ട്യൂഷന് ഫീസും പരീക്ഷാഫീസും സൗജന്യം
ഹോസ്റ്റല് സൗകര്യം
വിവരങ്ങള് www.nstiwtrivandrum.dgt.govt.in ല്
ഭാരത സര്ക്കാരിന് കീഴില് തിരുവനന്തപുരം കഴക്കൂട്ടത്തുള്ള നാഷണല് സ്കില് ട്രെയിനിങ് ഇന്സ്റ്റിറ്റ്യൂട്ട് ഫോര് വുമണ് 2026-27 വര്ഷം നടത്തുന്ന വിവിധ ട്രേഡുകളില് പ്രവേശനത്തിന് വനിതകള്ക്ക് അപേക്ഷിക്കാം. ട്യൂഷന് ഫീസും പരീക്ഷാഫീസും സൗജന്യ ഹേസ്റ്റല് സൗകര്യവുമുണ്ട്. ട്രേഡുകള്, പഠന കാലാവധി, സീറ്റുകള് അടക്കമുള്ള വിവരങ്ങള് ചുവടെ –
ആര്ക്കിടെക്ചറല് ഡ്രാഫ്റ്റ്സ്മാന്, രണ്ട് വര്ഷം, സീറ്റുകള് 24.
കമ്പ്യൂട്ടര് ഒാപ്പറേറ്റര് ആന്റ് പ്രോഗ്രാമിങ് അസി. – 48, ഒരു വര്ഷം.
ഡെസ്ക്ടോപ്പ് പബ്ലിഷിങ് ഓപ്പറേറ്റര് – 24, ഒരു വര്ഷം.
സെക്രട്ടേറിയല് പ്രാക്ടീസ് (ഇംഗ്ലീഷ്), 24, ഒരു വര്ഷം.
ഇന്റര്നെറ്റ് ഓഫ് തിങ്സ് ടെക്നീഷ്യന് (സ്മാര്ട്ട് സിറ്റി), 24, ഒരു വര്ഷം.
എഎംടി (അഡിറ്റീവ് മാനുഫാക്ചറിങ് 3 ഡി പ്രിന്റിങ്), 20, ഒരു വര്ഷം.
ആര്ട്ടിഫിഷ്യല് ഇന്റലിജന്സ് പ്രോഗ്രാമിങ് അസി., 24, ഒരു വര്ഷം.
ഇലക്ട്രോണിക്സ് മെക്കാനിക്, 24, രണ്ട് വര്ഷം. മേല്പറഞ്ഞ എല്ലാ ട്രേഡുകള്ക്കും പത്താം ക്ലാസ്/തത്തുല്യ പരീക്ഷ പാസായവര്ക്കാണ് അപേക്ഷിക്കാവുന്നത്. ഡ്രസ് മേക്കിങ്, 20, ഒരു വര്ഷം, യോഗ്യത- 8-ാ ക്ലാസ് പാസായിരിക്കണം.
എല്ലാ അപേക്ഷകര്ക്കും പ്രായം 14 വയസ് തികഞ്ഞിരിക്കണം. ഉയര്ന്ന പ്രായപരിധിയില്ല.
അപേക്ഷാഫോറവും പ്രോസ്പെക്ടസും ഔദ്യോഗിക വെബ്സൈറ്റായ www.nstiwtrivandrum.dgt.govt.in ല്നിന്നും ഡൗണ്ലോഡ് ചെയ്യാം. ഇന്സ്റ്റിറ്റ്യൂട്ടില്നിന്നും നേരിട്ടും അപേക്ഷാഫോറം ലഭിക്കും. നിര്ദ്ദിഷ്ട ഫോറത്തില് നിര്ദ്ദേശാനുസരണം തയ്യാറാക്കിയ അപേക്ഷ രേഖകള് സഹിതം ജൂണ് 30 നു മുമ്പ് പ്രിന്സിപ്പല്, നാഷണല് സ്കില് ട്രെയിനിങ് ഇന്സ്റ്റിറ്റ്യൂട്ട് ഫോര് വുമണ്, ബ്ലോക്ക് ഓഫീസിന് സമീപം, കഴക്കൂട്ടം, തിരുവനന്തപുരം-695582 എന്ന വിലാസത്തില് സമര്പ്പിക്കണം.
ഫീസ് ഘടന: രജിസ്ട്രേഷന് ഫീസ് 50 രൂപ. (പട്ടികജാതി/വര്ഗ വിഭാഗത്തിന് രജിസ്ട്രേഷന് ഫീസില്ല), അഡ്മിഷന് ഫീസ് 100 രൂപ (എസ്സി/എസ്ടി 25 രൂപ), ജിംഖാന ഫീസ് 100 രൂപ (എസ്സി/എസ്ടി വിഭാഗത്തിനില്ല), കോഷന് ഡിപ്പോസിറ്റ് 250 രൂപ. (തിരികെ ലഭിക്കും). ട്യൂഷന് ഫീസില്ല. ഹോസ്റ്റലില് സൗജന്യമായി താമസിച്ച് പഠിക്കാം.
യോഗ്യതാ പരീക്ഷക്ക് ലഭിച്ച മാര്ക്കിന്റെ മെരിറ്റ് പരിഗണിച്ച് സംവരണ ചട്ടങ്ങള്ക്ക് വിധേയമായിട്ടാണ് അഡ്മിഷന്. അന്വേഷണങ്ങള്ക്ക് 0471-2418391, 93724467778 എന്നീ ഫോണ് നമ്പരുകളിലും nstitrivandrum@gmail.com- എന്ന ഇ-മെയിലിലും ബന്ധപ്പെടാം.
