ജൂണ് 23 വരെ ഓണ്ലൈനായി അപേക്ഷിക്കാം
പൊതുപ്രവേശന പരീക്ഷ ജൂലൈ 4, 5 തീയതികളില്
വിശദവിവരങ്ങള് www.cdac.in, https://acts.cdac.inല്
കേന്ദ്രസര്ക്കാര് ആഭിമുഖ്യത്തിലുള്ള സെന്റര് ഫോര് ഡവലപ്മെന്റ് ഓഫ് അഡ്വാന്സ്ഡ് കമ്പ്യൂട്ടിങ് (സി-ഡാക്ക്) 2026 ഓഗസ്റ്റിലാരംഭിക്കുന്ന 24 ആഴ്ചത്തെ ദൈര്ഘ്യമുള്ള 12 തൊഴിലധിഷ്ഠിത പോസ്റ്റ് ഗ്രാഡുവേറ്റ് സര്ട്ടിഫിക്കറ്റ് കോഴ്സുകളില് പ്രവേശനത്തിനായുള്ള കോമണ് അഡ്മിഷന് ടെസ്റ്റ് (കാറ്റ് 1 ആന്റ് 2) ജൂലൈ 4, 5 തീയതികളില് ദേശീയതലത്തില് നടത്തും. കേരളത്തില് തിരുവനന്തപുരം പരീക്ഷാകേന്ദ്രമാണ്.
കമ്പ്യൂട്ടര് സയന്സ്/ഐടി/ഇലക്ട്രോണിക്സ്/ടെലികമ്മ്യൂണിക്കേഷന്സ്/ഇലക്ട്രിക്കല്/ഇന്സ്ട്രുമെന്റേഷന് ബ്രാഞ്ചുകളില് എന്ജിനീയറിങ് ബിരുദം അല്ലെങ്കില് എംഎസ്സി (കമ്പ്യൂട്ടര് സയന്സ്/ഐടി/ഇലക്ട്രോണിക്സ്) അല്ലെങ്കില് എംസിഎ യോഗ്യതയുള്ളവര്ക്ക് പ്രവേശന പരീക്ഷയില് പങ്കെടുക്കാം. അപേക്ഷ ഓണ്ലൈനില് ജൂണ് 23 വരെ സ്വീകരിക്കും. വിശദവിവരങ്ങള് www.cdac.in, https://acts.cdac.in വെബ്സൈറ്റുകളില് ലഭ്യമാണ്.
സി-ക്യാറ്റ്- രജിസ്ട്രേഷന്: കമ്പ്യൂട്ടര് അധിഷ്ഠിത കോമണ് അഡ്മിഷന് ടെസ്റ്റില് (സി-ക്യാറ്റ് 2026) ‘എ, ബി, സി’ സെക്ഷനുകളായാണ് പേപ്പറുകള്. എ+ബി പേപ്പറുകള്ക്ക് 1550 രൂപയും എ,ബി,സി പേപ്പറുകള്ക്ക് 1750 രൂപയുമാണ് രജിസ്ട്രേഷന് ഫീസ്. ക്രഡിറ്റ്/ഡബിറ്റ് കാര്ഡ് ഉപയോഗിച്ച് ഫീസ് അടയ്ക്കാം. വിശദവിവരങ്ങള് ‘കി-ക്യാറ്റ്’ ബുക്ക്ലെറ്റിലുണ്ട്. ഇതു വെബ്സൈറ്റില്നിന്നു ഡൗണ്ലോഡ് ചെയ്യാം.
സി-ക്യാറ്റ് ഷെഡ്യൂളുകള്, പരീക്ഷാഘടന, സിലബസ്, കോഴ്സ് ഫീസ്, സി-ഡാക്ക് സെന്ററുകളും ലഭ്യമായ കോഴ്സുകളും പ്രവേശന യോഗ്യത, സെലക്ഷന് നടപടികള് അടക്കമുള്ള സമഗ്ര വിവരങ്ങള് സി-ക്യാറ്റ് ബുക്ക്ലെറ്റില് ലഭിക്കും.
കോഴ്സുകള്: അഡ്വാന്സ്ഡ് കമ്പ്യൂട്ടിങ് (പിജിസിപി-എസി), ബിഗ് ഡാറ്റ അനലിറ്റിക്സ് (പിജിസിപി-ബിഡിഎ), എംബഡഡ് സിസ്റ്റംസ് ഡിസൈന് (പിജിസിപി-ഇഎസ്ഡി), ഐടി ഇന്ഫ്രാസ്ട്രക്ചര്- സിസ്റ്റംസ് ആന്റ് സെക്യൂരിറ്റി (പിജിസിപി-ഐടിഐഎസ്എസ്), ആര്ട്ടിഫിഷ്യല് ഇന്റലിജന്സ് (പിജിഎല്പി-എഐ), വിഎല്എസ്ഐ ഡിസൈന് (പിജിസിപി-വിഎല്എസ്ഐ), മൊബൈല് കമ്പ്യൂട്ടിങ് (പിജിസിപി-എംസി), അഡ്വാന്സ്ഡ് സെക്യുയര് സോഫ്റ്റ്വെയര് ഡവലപ്മെന്റ് (പിജിസിപി-എഎസ്എസ്ഡി), എച്ച്പിസി സിസ്റ്റം അഡ്മിനിസ്ട്രേഷന് (പിജിസിപി-എച്ച്പിസിഎസ്എ), റോബോട്ടിക്സ് ആന്റ് അലൈഡ് ടെക്നോളജീസ് (പിജിസിപി-ആര്എടി), ഫിന്ടെക് ആന്റ് ബ്ലോക്ക് ചെയിന് ഡവലപ്മെന്റ് (പിജിസിപി-എഫ്ബിഡി), സൈബര് സെക്യൂരിറ്റി ആന്റ് ഫോറന്സിക്സ് (പിജിസിപി-സിഎസ്എഫ്).
സി-ഡാക്കിന്റെ തിരുവനന്തപുരം, കൊച്ചി, ചെനൈന്ന, ബെംഗളൂരു, ഹൈദ്രാബാദ്, ഗുവാഹട്ടി, ഇന്തോര്, കൊല്ക്കത്ത, മുംബൈ, മൊഹാലി, നാഗ്പൂര്, നാസിക്, ന്യൂദല്ഹി, നോയിഡ, പാറ്റ്ന, പൂനെ മുതലായ സെന്റുകളായാണ് കോഴ്സുകള് നടത്തുന്നത്. പഠിച്ചിറങ്ങുന്നവര്ക്ക് ബെംഗളൂരു, ഹൈദ്രാബാദ്, മുംബൈ, നോയിഡ, പൂനെ എന്നിവിടങ്ങളില് ദേശീയ പൊതു കാമ്പസ് പ്ലേസ്മെന്റ് പരിപാടി സംഘടിപ്പിക്കും. മികച്ച പ്ലേസ്മെന്റ് ട്രാക്ക് റെക്കോര്ഡാണ് കോഴ്സുകള്ക്കുള്ളത്.
