കൊച്ചി: പിണറായി വിജയന്റെ മകള് വീണ വിജയനെതിരെയുള്ള 134 സുപ്രധാന രേഖകള് എന്ഫോഴ്സ്മെന്റ് ഡയറക്ടറേറ്റിന് (ഇഡി) എസ് എഫ് ഐഒ കൈമാറി. നേരത്തെ സീരിയസ് ഫ്രോഡ് ഇന്വെസ്റ്റിഗേഷന് ഓഫീസ് (SFIO) തയ്യാറാക്കിയ കുറ്റപത്രത്തിലെ 134 സുപ്രധാന രേഖകള് ആണ് കൈമാറിയിരിക്കുന്നത്.
ഇതോടെ വീണ വിജയനെതിരെ കുരുക്ക് മുറുകുകയാണ്. കൊച്ചിയിലെ കമ്പനികാര്യ കേസുകള് കൈകാര്യം ചെയ്യുന്ന കോടതിയില് ഇഡി നല്കിയ പ്രത്യേക അപേക്ഷയെ തുടര്ന്നാണ് ഈ നടപടി. ഇനി അടുത്ത റൗണ്ട് ചോദ്യം ചെയ്യലില് വീണ വിജയന് തലയൂരാന് കഴിയുമെന്ന് തോന്നുന്നില്ല.
ഇനി കര്ത്താ കുടുംബത്തിന്റെ മൊഴികള് കൂടി നിരത്തി തിങ്കളാഴ്ച രണ്ടാംഘട്ട ചോദ്യം ചെയ്യല് നടക്കും. ബാങ്ക് അക്കൗണ്ട് വിവരങ്ങളിലെ പൊരുത്തക്കേടുകള്ക്കും വീണ വിജയന് മറുപടി പറയേണ്ടി വരും; മാസപ്പടി കേസില് അറസ്റ്റിലേക്ക് കടക്കുമോ എന്ന ആശങ്കയും നിലനില്ക്കുന്നു.
