തിരുവനന്തപുരം: അന്താരാഷ്‌ട്ര യോഗാദിനത്തോടനുബന്ധിച്ച് മേയര്‍ വിവി രാജേഷിന്റെ നേതൃത്വത്തില്‍ നടന്ന യോഗാപരിപാടി മലപ്പുറം കൊണ്ടോട്ടിയില്‍ നിന്നും വന്ന റിഷാന് എന്ന പെണ്‍കുട്ടിക്ക് ഇഷ്ടമായി. അതോടെ റിഷാന് മേയറോട് എന്തെന്നില്ലാത്ത ആരാധന.
18 വയസ്സായാല്‍ ഞാന്‍ അങ്കിളിന് വോട്ട് ചെയ്യാമേ എന്ന് മേയര്‍ രാജേഷിനോട് റിഷാന് എന്ന പെണ്‍കുട്ടി പറഞ്ഞപ്പോള്‍ രാജേഷിനും അത്ഭുതം. രാജേഷ് ഉടനെ കുട്ടിയുടെ മാതാപിതാക്കളെ തിരക്കി. റിഷാന്റെ ഉമ്മ തിരുവനന്തപുരത്ത് സര്‍ക്കാര്‍ ഉദ്യോഗസ്ഥയാണ്.
18 വയസ്സാകുമ്പോൾ എന്റെ വോട്ട് ങ്ങക്കാണ്
മലപ്പുറം കൊണ്ടോട്ടിയിലെ റിഷാന കുട്ടിയുടെ വാക്കുകൾ ❤️@VVRAJESH_BJP ❤️ pic.twitter.com/oSaTnxjbrC— Tom Mathews Moolamattom (@TMoolamattom) June 21, 2026
അടുത്ത വര്‍ഷവും നിങ്ങള്‍ മേയറായിട്ട് ഇവിടെ ഉണ്ടാകുമോ എന്നായിരുന്നു കുട്ടിയുടെ ഒരു ചോദ്യം. അടുത്തവര്‍ഷവും മേയറായി ഇവിടെ ഉണ്ടാകുമെന്ന് വി.വി. രാജേഷ് ചെറുപുഞ്ചിരിയോടെ പറഞ്ഞു ഉടനെ എനിക്ക് 18 വയസ്സായാല്‍ നിങ്ങള്‍ക്ക് വോട്ട് ചെയ്യാമേ എന്നായി റിഷാന്. ഇത് കേട്ടപ്പോള്‍ രാജേഷിന് അത്ഭുതം.
നന്തന്‍കോട് സ്കൂളില്‍ കഴിഞ്ഞ അഞ്ച് വര്‍ഷമായി പഠിക്കുകയാണ് . റിഷാന്റെ അമിതമായ സ്നേഹം കണ്ടപ്പോള്‍ രാജേഷിന്റെയും മനസ്സലിഞ്ഞു. ഒരു ദിവസം മേയറുടെ ഓഫീസില്‍ വരണമെന്ന് മേയര്‍ ഉമ്മയെയും റിഷാനെയും ക്ഷണിച്ചു. ഉടനെ ഉമ്മയെ കുറ്റപ്പെടുത്തിക്കൊണ്ടുള്ള റിഷാന്റെ മറുപടി വന്നു: “അമ്മയോട് ദിവസവും പറയും മേയറെ കാണണമെന്ന്. പക്ഷെ അമ്മ പറയുന്നു അങ്കിള്‍ ഇവിടെ ഉണ്ടാകില്ലെന്ന്. “എന്തായാലും ഒരു ദിവസം മേയറുടെ ഓഫീസിലേക്ക് വരണമെന്ന് വി.വി.രാജേഷ് പറഞ്ഞപ്പോള്‍ തീര്‍ച്ചയായും വരാമെന്നായി റിഷാന്റെ ഉമ്മ. അതുകേട്ടപ്പോള്‍ റിഷാനും ഒത്തിരി സന്തോഷമായി.
