ന്യൂദല്‍ഹി: ബാഡ്മിന്റണ്‍ മത്സരത്തില്‍ പങ്കെടുക്കാന്‍ 75ലധികം ജഡ്ജിമാരും കേന്ദ്രമന്ത്രിമാരും ലണ്ടനില്‍ പോയി! ചിത്രം സഹിതം വൈറലായ ഈ സോഷ്യല്‍ മീഡിയ പോസ്റ്റുകള്‍ പൂര്‍ണ്ണമായും തെറ്റിദ്ധരിപ്പിക്കുന്നതാണെന്ന് കേന്ദ്ര സര്‍ക്കാര്‍ ദല്‍ഹി ഹൈക്കോടതിയെ അറിയിച്ചു. ഏറെ വിമര്‍ശിക്കപ്പെട്ട ഈ വ്യാജ സോഷ്യല്‍ മീഡിയ പോസ്റ്റുകള്‍ നീക്കം ചെയ്യണമെന്ന് ആവശ്യപ്പെട്ട് ബാഡ്മിന്റണ്‍ അസോസിയേഷന്‍ ഓഫ് ഇന്ത്യയാണ് ഹര്‍ജിയുമായി ഹൈക്കോടതിയിലെത്തിയത്.
കഴിഞ്ഞ വര്‍ഷം ദല്‍ഹിയില്‍ നടന്ന ഒരു പരിപാടിയില്‍ ചീഫ് ജസ്റ്റിസ് സൂര്യകാന്ത് , ജസ്റ്റിസ് വിക്രം നാഥ് , കേന്ദ്രമന്ത്രിമാരായ അര്‍ജുന്‍ റാം മേഘ്വാള്‍, കിരണ്‍ റിജിജു എന്നിവര്‍ ബാഡ്മിന്റണ്‍ കളിക്കുന്ന ചിത്രങ്ങളാണ് ലണ്ടനിലേതെന്ന നിലയ്‌ക്ക് പ്രചരിപ്പിക്കുന്നതെന്ന് സോളിസിറ്റര്‍ ജനറല്‍ തുഷാര്‍ മേത്ത അറിയിച്ചു.
‘അവര്‍ ലണ്ടനില്‍ നടന്ന ഒരു ബാഡ്മിന്റണ്‍ ടൂര്‍ണമെന്റിലും പങ്കെടുത്തിട്ടില്ല. ചീഫ് ജസ്റ്റിസ് യുകെയിലുണ്ടായിരുന്നുവെന്നുമാത്രം. ഈ കാലയളവില്‍ മന്ത്രിമാര്‍ ലണ്ടന്‍ സന്ദര്‍ശിച്ചില്ല, 75 ജഡ്ജിമാര്‍ അവിടെയുണ്ടായിരുന്നെന്ന ആരോപണവും തെറ്റാണ്’ മേത്ത വ്യക്തമാക്കി.
75ലധികം ജഡ്ജിമാരും കേന്ദ്രമന്ത്രിമാരും ബാഡ്മിന്റണ്‍ കളിക്കാന്‍ ലണ്ടനില്‍! ഏറെ വിമര്‍ശിക്കപ്പെട്ട ഈ വാര്ത്തയ്ക്ക് പിന്നിലെ സത്യമിതാണ്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.