തിരുവനന്തപുരം: പറവൂര് കോടതിയിലെ അസിസ്റ്റന്റ് പബ്ലിക് പ്രോസിക്യൂട്ടറായിരുന്ന അനീഷ്യ ജീവനൊടുക്കിയ സംഭവത്തില് ഒന്നാം പ്രതിയ്ക്ക് സ്വന്തം നാട്ടിലേക്ക് സ്ഥലംമാറ്റം.അസിസ്റ്റന്റ് പബ്ലിക് പ്രോസിക്യൂട്ടര് കെ.ആര് ശ്യാംകൃഷ്ണയെ വയനാട്ടില് നിന്നും ആറ്റിങ്ങല് കോടതിയിലേക്ക് സ്ഥലംമാറ്റി സര്ക്കാര് ഉത്തരവിറക്കി.
അന്വേഷണം പ്രത്യേക സംഘത്തെ ഏല്പ്പിക്കുമെന്ന് കഴിഞ്ഞ ദിവസം മുഖ്യമന്ത്രി വി ഡി സതീശന് അനീഷ്യയുടെ ബന്ധുക്കള്ക്ക് ഉറപ്പ് നല്കിയിരുന്നു..
2024 ജനുവരി 21നാണ് അനീഷ്യയെ പരവൂരിലെ വീട്ടില് തൂങ്ങിമരിച്ച നിലയില് കണ്ടെത്തിയത്. സഹപ്രവര്ത്തകരില് നിന്നും മേലുദ്യോഗസ്ഥരില് നിന്നും ഉണ്ടായ കടുത്ത മാനസിക പീഡനം കാരണമാണ് ആത്മഹത്യയെന്നാണ് കുടുംബത്തിന്റെ പരാതി. ആത്മഹത്യ പ്രേരണക്ക് പ്രതിചേര്ത്ത ഡെപ്യൂട്ടി ഡയറക്ടര് ഓഫ് പ്രോസിക്യൂഷന് അബ്ദുള് ജലീലിനെയും എപിസി ശ്യാം കൃഷ്ണനെയും അറസ്റ്റ് ചെയ്തെങ്കിലും ജാമ്യം നല്കി.
തനിക്ക് നേരിട്ട മാനസിക പീഡനങ്ങള് 19 പേജുള്ള ആത്മഹത്യാ കുറിപ്പില് അനീഷ്യ എഴുതിയിരുന്നു. സുഹൃത്തുക്കള്ക്ക് ശബ്ദ സന്ദേശവും അയച്ചു.
