മുംബൈ: മലയാള സിനിമയില് അഭിനയിക്കണമെന്ന മോഹവുമായി പാകിസ്താനിലെ ഏറ്റവും കൂടുതല് ജനപ്രീതിയുള്ള താരം മാഹിറ ഖാന്. ദക്ഷിണേഷ്യയിലെ തന്നെ ഏറ്റവും മികച്ച സിനിമകള് നിർമ്മിക്കപ്പെടുന്നത് മലയാളത്തിലാണെന്നാണ് മഹീറാ ഖാന് അഭിപ്രായപ്പെടുന്നത്.
ഒരു ഓണ്ലൈന് മാധ്യമത്തിന് നല്കിയ അഭിമുഖത്തിലാണ് മഹീറാ ഖാന് തന്റെ ആഗ്രഹം പ്രകടിപ്പിച്ചത്. മലയാള സിനിമകള് തനിക്ക് ഒരുപാട് ഇഷ്ടമാണെന്ന് വ്യക്തമാക്കിയ നടി, മലയാളത്തിലെ കഥകള് മികച്ചതാണെന്ന് അഭിപ്രായപ്പെട്ടു.
പാകിസ്ഥാനില് ഏറ്റവും കൂടുതല് പ്രതിഫലം വാങ്ങുന്നതുമായ മുൻനിര നടിമാരില് ഒരാളാണ് 41-കാരിയായ മാഹിറ ഖാൻ. കശ്മീരിലെ പഹല്ഗാം ഭീകരാക്രമണത്തിന് പിന്നാലെ ഇന്ത്യയും പാകിസ്താനും തമ്മിലുള്ള നയതന്ത്ര ബന്ധം വഷളായതോടെ, നടിയുടെ ഇൻസ്റ്റഗ്രാം അക്കൗണ്ടിന് ഇന്ത്യയില് ഔദ്യോഗികമായി വിലക്കേർപ്പെടുത്തിയിരുന്നു. അതിർത്തിയിലെ സംഘർഷങ്ങളെത്തുടർന്ന് പാക് കലാകാരന്മാർക്ക് ഇന്ത്യയില് ഏർപ്പെടുത്തിയ വിലക്കിന്റെ ഭാഗമായിട്ടായിരുന്നു ഈ നടപടി.
ജന്മഭൂമി ഓണ്ലൈന്