- ജൂണ് 12 വരെ ഓണ്ലൈനില് അപേക്ഷിക്കാം
- അവസരം ജെഇഇ മെയിന് 2026 റാങ്കുകാര്ക്ക്
- സെലക്ഷന് സര്വീസസ് സെലക്ഷന് ബോര്ഡ് (എസ്എസ്ബി) ഇന്റര്വ്യു വഴി
- വിശദവിവരങ്ങള് www.joinindianarmy.nic.in ല്
- പഠന-പരിശീലന കാലം പ്രതിമാസം 56100 രൂപ സ്റ്റൈപ്പന്റ് ലഭിക്കും
ശാസ്ത്രവിഷയങ്ങളില് സമര്ത്ഥരായ പ്ലസ്ടുകാര്ക്ക് കരസേനയില് 10+2 ടെക്നിക്കല് എന്ട്രി സ്കീം (ടിഇഎസ്-56) വഴി സൗജന്യമായി എന്ജിനീയറിങ് ബിരുദ പഠനം നടത്താം. ലഫ്റ്റനന്റ് പദവിയില് ഒാഫീസറായി ജോലി നേടാം. തെരഞ്ഞെടുക്കപ്പെടുന്നവര്ക്ക് നാലുവര്ഷത്തെ പഠന-പരിശീലനകാലം പ്രതിമാസം 56,100 രൂപ സ്റ്റൈപ്പന്റും ലഭിക്കും. 90 പേര്ക്കാണ് അവസരം. വിജയകരമായി പരിശീലനം പൂര്ത്തിയാക്കുന്നവര്ക്ക് 56,100-1,77,500 രൂപ ശമ്പള നിരക്കില് സ്ഥിര നിയമനം നല്കും. മികച്ച ആനുകൂല്യങ്ങളും ഉദ്യോഗക്കയറ്റ സാധ്യതകളുമുണ്ട്. വിശദവിവരങ്ങള് www.joinindianarmy.nic.in- ല് ലഭ്യമാണ്. അപേക്ഷാഫീസില്ല. ഓണ്ലൈനില് ജൂണ് 12, 12 മണിവരെ അപേക്ഷ സ്വീകരിക്കും. അപേക്ഷിക്കാനുള്ള നിര്ദ്ദേശങ്ങള് വിജ്ഞാപനത്തിലുണ്ട്.
യോഗ്യത: ഹയര് സെക്കന്ററി/പ്ലസ്ടു/തത്തുല്യ ബോര്ഡ് പരീക്ഷയില് ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങള്ക്ക് മൊത്തം 60 ശതമാനം മാര്ക്കില് കുറയാതെ നേടി വിജയിച്ചിരിക്കണം.
ജെഇഇ മെയിന്-2026 (ബിഇ/ബിടെക്) അഭിമുഖീകരിച്ചിട്ടുള്ളവരാകണം. മെഡിക്കല്, ഫിസിക്കല് ഫിറ്റ്നസുണ്ടായിരിക്കണം.
പ്രായം: 2027 ജനുവരി ഒന്നിന് പതിനാറരയ്ക്കും പത്തൊന്പതരയ്ക്കും മധേ്യയാവണം. 2007 ജൂലൈ ഒന്നിന് മുമ്പോ 2010 ജൂലൈ ഒന്നിന് ശേഷമോ ജനിച്ചവരാകരുത്. എസ്എസ്എല്സി/തത്തുല്യ സര്ട്ടിഫിക്കറ്റില് രേഖപ്പെടുത്തിയിട്ടുള്ള ജനന തീയതിയാണ് പരിഗണിക്കുന്നത്.
സെലക്ഷന്: ജെഇഇ മെയിന് 2026 (ബിഇ/ബിടെക്) കട്ട് ഓഫ് മാര്ക്ക് നിശ്ചയിച്ച് അപേക്ഷകരെ ഷോര്ട്ട് ലിസ്റ്റ് ചെയ്ത് ബെംഗളൂരു, ഭോപാല്, ജലന്ധര്, പ്രയാഗ്രാജ് എന്നിവിടങ്ങളില് സര്വീസസ് സെലക്ഷന് ബോര്ഡ് (എസ്എസ്ബി) മുമ്പാകെ ഇന്റര്വ്യുവിന് ക്ഷണിക്കും. അഞ്ചുദിവസം നീളുന്ന സെലക്ഷന് നടപടികള്ക്ക് രണ്ട് ഘട്ടങ്ങളുണ്ട്. സൈക്കോളജിക്കല് ടെസ്റ്റ്, ഗ്രൂപ്പ് ടെസ്റ്റ് അടക്കമുള്ള ഇന്റര്വ്യൂവില് ആദ്യഘട്ടത്തില് യോഗ്യത നേടുന്നവര്ക്ക് രണ്ടാം ഘട്ടത്തിലേക്ക് കടക്കാം. ഇന്റര്വ്യൂവില് തിളങ്ങുന്നവരെ വൈദ്യപരിശോധന, സര്ട്ടിഫിക്കറ്റ് പരിശോധനകള് നടത്തി മെരിറ്റ് ലിസ്റ്റ് തയ്യാറാക്കി പരിശീലനത്തിന് നിയോഗിക്കും. തെരഞ്ഞെടുപ്പ് നടപടിക്രമങ്ങളുടെ ഭാഗമായ ഫിസിക്കല് സ്റ്റാന്ഡേര്ഡ് ടെസ്റ്റ്, കായികക്ഷമതാ പരീക്ഷ എന്നിവയിലും യോഗ്യത നേടിയിരിക്കണം.
പഠന-പരിശീലനങ്ങള്: തെരഞ്ഞെടുക്കപ്പെടുന്ന കേഡറ്റുകള്ക്ക് പൂനെ, സെക്കന്തരാബാദ് മുതലായ മിലിട്ടറി എന്ജിനീയറിങ്/പരിശീലന കേന്ദ്രങ്ങളില് സിവില് ആന്റ് മെക്കാനിക്കല്, ടെലികോം ആന്ഡ് ഐടി, ഇലക്ട്രിക്കല് ആന്ഡ് മെക്കാനിക്കല് ബ്രാഞ്ചുകളില് എന്ജിനീയറിങ് ബിരുദ പഠനത്തിന് അവസരം ലഭിക്കും. നാലുവര്ഷത്തെ പഠന-പരിശീലനങ്ങള് പൂ
ര്ത്തിയാക്കുമ്പോള് ജെഎന്യു ബിരുദം സമ്മാനിക്കും. പരിശീലനകാലം പ്രതിമാസം 56,100 രൂപ സ്റ്റൈപ്പന്റുണ്ട്. തുടര്ന്ന് ലഫ്റ്റ്നന്റ് പദവിയില് ഓഫീസറായി നിയമനം നല്കുന്നതാണ്.
