പ്രധാനമന്ത്രി നരേന്ദ്ര മോദി താമസിച്ചിരുന്ന മുറിയുടെ ദൃശ്യങ്ങളാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത്. വീഡിയോയിൽ കാണിച്ചിരിക്കുന്ന മുറിയുടെ വാതിലിൽ പ്രധാനമന്ത്രി മോദി അവിടെ താമസിച്ചിരുന്നുവെന്ന് പറയുന്ന ഫലകം കാണാം.
സോഷ്യൽ മീഡിയ പ്ലാറ്റ്ഫോമായ ഇൻസ്റ്റാഗ്രാമിൽ @arundhardiwan എന്ന ഉപഭോക്താവാണ് വീഡിയോ പങ്ക് വച്ചിരിക്കുന്നത്. റായ്ഗഡ് (ഛത്തീസ്ഗഡ്) ബിജെപി ജില്ലാ പ്രസിഡന്റാണ് അരുന്ധർ ദിവാൻ . വീഡിയോയ്ക്കൊപ്പം #BJP, #Thiruvananthapuram എന്നീ ഹാഷ്ടാഗുകൾ അദ്ദേഹം ഉൾപ്പെടുത്തിയിട്ടുണ്ട്. തിരുവനന്തപുരത്ത് എത്തിയപ്പോൾ പ്രധാനമന്ത്രി മോദി താമസിച്ചിരുന്നത് രാജ്ഭവനിലും ഹോട്ടൽ ഉദയ് സ്യൂട്ട്സ് ഗാർഡനിലുമാണ് .അരുണാധർ ദിവാൻ പങ്കിട്ടത് ഹോട്ടൽ ഉദയ് സ്യൂട്ട്സ് ഗാർഡനിൽ നിന്നുള്ള ചിത്രങ്ങളാണെന്നും സൂചനയുണ്ട്.
വീഡിയോയിൽ കാണുന്നത് സാധാരണ നിലയിലുള്ള മുറിയാണ്. ബെഡും , രണ്ട് കസേരയും, മേശയുമാണ് ഉള്ളത്. അത്യാഡംബരങ്ങളായ ഒരു സൗകര്യങ്ങളും മുറിയിൽ ഒരുക്കിയിട്ടില്ല.
