അഹമ്മദാബാദ് : മെറ്റ എന്ന മാതൃകമ്പനിയുടെ ഉടമസ്ഥതയിലുള്ള ഫേസ്ബുക്ക്, ഇൻസ്റ്റാഗ്രാം, വാട്സാപ്പ് തുടങ്ങിയിലെ AI ഫീച്ചറുകൾ വേഗത്തിലാക്കാന് സഹായിക്കുന്ന ഗുജറാത്തിലെ ജാംനഗറില് ഉയരുന്ന ഡേറ്റ സെന്റര് റിലയന്സ് 2028ല് പൂര്ത്തിയാക്കും. ഒരു ആഗോള വൻകിട കമ്പനിക്ക് വേണ്ടി അവരുടെ ആവശ്യാനുസരണം ഇന്ത്യയിൽ നിർമ്മിക്കുന്ന ആദ്യത്തെ ഡാറ്റാ സെന്ററാണിത്.
168 മെഗാവാട്ട് (MW) ആണ് ഈ ഡേറ്റാ സെന്ററിന്റെ ശേഷി. പദ്ധതിയുടെ രൂപരേഖ ഇങ്ങിനെയാണ്. റിലയൻസ് ഈ ഡാറ്റാ സെന്റർ നിർമ്മിച്ച് നൽകുകയും അതിന്റെ പ്രവർത്തനങ്ങൾ നിയന്ത്രിക്കുകയും ചെയ്യും. മെറ്റാ ഈ സൗകര്യം റിലയൻസിൽ നിന്ന് ലീസിന് (വാടകയ്ക്ക്) എടുത്ത് ഉപയോഗിക്കും. .
ഈ ഡേറ്റാ സെന്റർ പൂർണ്ണമായും പുനരുപയോഗ ഊർജ്ജമായ (Renewable Energy) സൗരോര്ജ്ജം, കാറ്റ് എന്നിവ ഉപയോഗിച്ചായിരിക്കും പ്രവർത്തിക്കുക. കൂടാതെ, സാധാരണ കുടിവെള്ളത്തിന് പകരം കടൽവെള്ളം ശുദ്ധീകരിച്ച് (Desalinated Seawater) ആയിരിക്കും ഇതിലെ സെർവറുകൾ തണുപ്പിക്കുക.
