ന്യൂദല്ഹി: ഇന്ത്യയില് ഏറ്റവും കൂടുതല് കാലം തിരഞ്ഞെടുക്കപ്പെട്ട പ്രധാനമന്ത്രി പദം അലങ്കരിച്ച വ്യക്തിയെന്ന ചരിത്ര നേട്ടത്തിനുടമയായ നരേന്ദ്ര മോദിക്ക് വിവിധ രാജ്യങ്ങളില് നിന്നുള്ള ഭരണത്തലവന്മാരുടെ പ്രശംസ.
ലോകത്തിലെ ഏറ്റവും വലിയ ജനാധിപത്യ രാജ്യത്തെ ജനങ്ങള് നിങ്ങളുടെ നേതൃത്വത്തില് ആവര്ത്തിച്ച് അര്പ്പിച്ച വിശ്വാസത്തിന്റെ പ്രതീകമാണ് ഈ നേട്ടമെന്ന് ശ്രീലങ്കന് പ്രസിഡന്റ് അനുര കുമാര ദിസനായക അയച്ച കത്തില് വിശേഷിപ്പിച്ചു. 2022-ല് ശ്രീലങ്കയുടെ വിനാശകരമായ സാമ്പത്തിക പ്രതിസന്ധിയില് ഇന്ത്യയുടെ പിന്തുണ ഉഭയകക്ഷി ബന്ധത്തിലെ ഒരു നിര്ണായക അധ്യായമായിരുന്നെന്ന് അദ്ദേഹം ഓര്മ്മിച്ചു.
പാപുവ ന്യൂ ഗിനിയ പ്രധാനമന്ത്രി ജെയിംസ് മാരാപെ, പ്രധാനമന്ത്രി മോദി ‘ഒരു മികച്ച മാതൃകയെന്ന് ‘ വിശേഷിപ്പിച്ച് വീഡിയോ സന്ദേശം അയച്ചു,
‘പ്രധാനമന്ത്രി മോദിയുടെ നേതൃത്വത്തില്, ആഗോള കാര്യങ്ങളില് ഇന്ത്യ ഒരു മുന്നിര ശബ്ദമായി പരിണമിച്ചു’ വെന്ന് ട്രിനിഡാഡ് ആന്ഡ് ടൊബാഗോ പ്രധാനമന്ത്രി കമല പെര്സാദ്-ബിസെസ്സര് പ്രശംസിച്ചു.
