ന്യൂദല്‍ഹി: ദല്‍ഹിയിലെ ഇന്ത്യാമുന്നണിയോഗത്തിന് തൊട്ടുമുന്‍പ് ജോണ്‍ബ്രിട്ടാസും കെ.സി. വേണുഗോപാലും തമ്മിലുള്ള സംഭാഷണവും സ്വകാര്യം പറച്ചിലും സമൂഹമാധ്യമങ്ങളില്‍ ട്രോളുകള്‍ വിളിച്ചുവരുത്തുകയാണ്.
ഇന്ത്യാമുന്നണിയോഗം ആരംഭിക്കുന്നതിന് മുന്‍പ് തന്നെ കോണ്‍ഗ്രസിനെ ജോണ്‍ ബ്രിട്ടാസ് വിമര്‍ശിച്ചിരുന്നു. കേരളത്തില്‍ സിപിഎം-ബിജെപി ഡീല്‍ എന്ന ആരോപണം കേരളത്തിലെ നിയമസഭാ തെരഞ്ഞെടുപ്പ് കാലത്ത് രാഹുല്‍ ഗാന്ധി ഉയര്‍ത്തിയതിനെക്കുറിച്ചായിരുന്നു ജോണ്‍ ബ്രിട്ടാസിന്റെ വിമര്‍ശനം.
അത് കഴിഞ്ഞാണ് കെ.സി. വേണുഗോപാലിനെ കണ്ട് ചെവിയില്‍ ബ്രിട്ടാസിന്റെ സ്വകാര്യം പറച്ചില്‍ ബ്രിട്ടാസിന്റെ തമാശ കേട്ട് ഉറക്കെയുറക്കെ പൊട്ടിച്ചിരിക്കുന്ന വേണുഗോപാലിനെ വീഡിയോയില്‍ കാണാം. ഈ വീഡിയോ വൈറലാണ്. “അപ്പോള്‍ കെസിയായിപ്പോലും പാലമിടാന്‍ കഴിയുന്ന ബ്രിട്ടാസ് സമര്‍ത്ഥന്‍ തന്നെ. പണ്ട് പി.എം. ശ്രീയ്‌ക്ക് വേണ്ടി പാലമിട്ടയാളല്ലേ…” എന്ന രീതിയിലാണ് ട്രോളന്മാരുടെ കമന്‍റ്.
യഥാർത്ഥ ഡീലുകാരുടെ സ്നേഹ പ്രകടനം…
ബിജെപിക്കെതിരെ ഡീൽ ആരോപണം പരസ്പരം ഉന്നയിക്കുന്നവരുടെ ഡൽഹിയിലെ ചങ്ങാത്ത ദൃശ്യങ്ങൾ.
എൽഡിഫ് യുഡിഫ് രണ്ടല്ല ഒന്നാണ്…#APAKADAMPolitics pic.twitter.com/x5pM6eDNsO
— BJP KERALAM (@BJP4Keralam) June 8, 2026
ഇതാണ് യഥാര്‍ത്ഥ കോണ്‍ഗ്രസ്-സിപിഎം ഡീല്‍ എന്ന് ഈ വീഡിയോ പങ്കുവെച്ച് ബിജെപി ഉള്‍പ്പെടെ വിമര്‍ശനവും ഉയര്‍ത്തുന്നുണ്ട്.
