വിശദവിവരങ്ങള് www.keralacseb.kerala.gov.in ല്
സംസ്ഥാനത്തെ വിവിധ സഹകരണസംഘം/ബാങ്കുകളില് ഒഴിവുള്ള തസ്തികകളിലേക്ക് തെരഞ്ഞെടുക്കുന്നതിന് സഹകരണ സര്വ്വീസ് പരീക്ഷാ ബോര്ഡ് യോഗ്യതയുള്ള ഉദ്യോഗാര്ത്ഥികളില്നിന്ന് അപേക്ഷ ക്ഷണിച്ചു.
തസ്തികകള് ജൂനിയര് ക്ലര്ക്ക്, ഒഴിവുകള് 122 (എസ്സി/എസ്ടി/ഭിന്നശേഷി വിഭാഗങ്ങള്ക്ക് നിശ്ചിത ഒഴിവുകള് സംവരണം ചെയ്തിരിക്കുന്നു). വിദ്യാഭ്യാസ യോഗ്യത: എസ്എസ്എല്സി/തത്തുല്യ പരീക്ഷ പാസായിരിക്കണം. കൂടാതെ ജൂനിയര് ഡിപ്ലോമ ഇന് കോ-ഓപ്പറേഷന് (ജെഡിസി) വിജയിച്ചിരിക്കണം. ബികോം (സഹകരണം)/ബിരുദവും സഹകരണ ഹയര് ഡിപ്ലോമയും/എച്ച്ഡിസി ആന്റ് ബിഎം/ബിഎസ്സി (സഹകരണം ആന്റ് ബാങ്കിങ്) യോഗ്യതയുള്ളവരെയും പരിഗണിക്കും. പ്രായപരിധി 18-40 വയസ്. (എസ്സി/എസ്ടി/ഒബിസി/ഇഡബ്ല്യുഎസ്/ഭിന്നശേഷി/വിമുക്തഭടന്മാര് മുതലായ വിഭാഗങ്ങള്ക്ക് നിയമാനുസൃത വയസ്സിളവുണ്ട്).
ഡാറ്റാ എന്ട്രി ഓപ്പറേറ്റര്, ഒഴിവുകള് 4 (ജനറല്), വിദ്യാഭ്യാസ യോഗ്യത- ബിരുദവും ഡാറ്റാ എന്ട്രി കോഴ്സ് പാസായ അംഗീകൃത സര്ട്ടിഫിക്കറ്റും ഒരു വര്ഷത്തെ പ്രവൃത്തിപരിചയവും. പ്രായപരിധി 18-40 വയസ് (നിയമാനുസൃത വയസിളവുണ്ട്).
സിസ്റ്റം അഡ്മിനിസ്ട്രേറ്റര്, ഒഴിവുകള് 2, വിദ്യാഭ്യാസ യോഗ്യത- എംസിഎ/ബിടെക് (കമ്പ്യൂട്ടര് സയന്സ്/ഇലക്ട്രോണിക് കമ്മ്യൂണിക്കേഷന്/ഐടി), മൂന്നു വര്ഷത്തെ പ്രവൃത്തിപരിചയം. പ്രായപരിധി 18-40 വയസ്. (നിയമാനുസൃത വയസ്സിളവുണ്ട്).
അസിസ്റ്റന്റ് സെക്രട്ടറി/ചീഫ് അക്കൗണ്ടന്റ്, ഒഴിവുകള് 2, യോഗ്യത: 50 ശതമാനം മാര്ക്കോടെ ബിരുദവും സഹകരണ ഡിപ്ലോമയും (എച്ച്ഡിസി/എച്ച്ഡിസി ആന്റ് ബിഎം)/എച്ച്ഡിസിഎം/ജെഡിസി) അല്ലെങ്കില് 50% മാര്ക്കോടെ ബികോം (സഹകരണം) അല്ലെങ്കില് ബിഎസ്സി/ബിഎസ്സി (സഹകരണം ആന്റ് ബാങ്കിങ്), പ്രായപരിധി 18-40 വയസ് (നിയമാനുസൃത വയസ്സിളവുണ്ട്).
സെക്രട്ടറി, ഒഴിവുകള് 3, യോഗ്യത- ബിരുദവും എച്ച്ഡിസി ആന്റ് ബിഎമ്മും അക്കൗണ്ടന്റ്/സെക്രട്ടറി (സഹകരണ ബാങ്ക്) ആയി 7 വര്ഷത്തെ പ്രവൃത്തിപരിചയം. അല്ലെങ്കില് ബിഎസ്സി (സഹകരണം ആന്റ് ബാങ്കിങ്) ബിരുദവും 5 വര്ഷത്തെ പ്രവൃത്തിപരിചയവും അല്ലെങ്കില് എംബിഎ/എംകോം ഫിനാന്സ്/സിഎ യോഗ്യതയും 3 വര്ഷത്തെ പ്രവൃത്തിപരിചയവും അല്ലെങ്കില് ബികോം (സഹകരണം) ബിരുദവും അക്കൗണ്ടന്റ്/സെക്രട്ടറി ആയി 7 വര്ഷത്തെ പ്രവൃത്തിപരിചയവും. പ്രായപരിധി 18-40 വയസ്. (നിയമാനുസൃത വയസിളവുണ്ട്).
വിശദവിവരങ്ങളടങ്ങിയ റിക്രൂട്ട്മെന്റ് വിജ്ഞാപനം ഔദ്യോഗിക വെബ്സൈറ്റായ www.keralacseb.kerala.gov.in ല് ലഭിക്കും. ഉദ്യോഗാര്ത്ഥികള്ക്ക് ഒന്നില് കൂടുതല് സഹകരണ സംഘം/ബാങ്കുകളിലേക്ക് അപേക്ഷിക്കാവുന്നതാണ്. അപേക്ഷാ ഫീസ് ഒരു സംഘം/ബാങ്കിലേക്ക് 150 രൂപയും തുടര്ന്നുള്ള ഓരോ സംഘം/ബാങ്കിനും 50 രൂപ വീതം അധികമായും നല്കണം. പട്ടികജാതി/വര്ഗ്ഗ വിഭാഗങ്ങള്ക്ക് യഥാക്രമം 50 രൂപ/50 രൂപ വീതം നല്കിയാല് മതി. അപേക്ഷാ/പരീക്ഷാ ഫീസിനോടൊപ്പം 18% ജിഎസ്ടികൂടി നല്കേണ്ടതുണ്ട്.വിജ്ഞാപനത്തിലെ നിര്ദ്ദേശപ്രകാരം ഓണ്ലൈനില് ജൂണ് 30 നകം അപേക്ഷിക്കാം. അപേക്ഷ സമര്പ്പിച്ച് കഴിഞ്ഞ് വെബ്സൈറ്റിലെ My Application ലിങ്കില്നിന്ന് അപേക്ഷയുടെ പ്രിന്റ് എടുത്ത് റഫറന്സിനായി സൂക്ഷിക്കണം. സെലക്ഷന് നടപടികളടക്കം കൂടുതല് വിവരങ്ങള് വിജ്ഞാപനത്തില് ലഭിക്കും.
