തിരുവനന്തപുരം: പൂക്കീസ് അസ്വസ്ഥരാണ് എന്ന തലക്കെട്ടില് വാഹനമോഡിഫിക്കേഷനെക്കുറിച്ച് മുഖ്യമന്ത്രി വി.ഡി സതീശന് യുവാക്കള്ക്ക് നല്കിയ വാഗ്ദാനത്തെ പരിഹസിച്ച് മാധ്യമപ്രവര്ത്തക. ഇതേക്കുറിച്ച് ഒരു സാദാ ഡ്രൈവറുടെ പ്രതികരണമാണ് ബിഗ് ടിവിയുടെ മാധ്യമപ്രവര്ത്തക ലക്ഷ്മി പദ്മ പങ്കുവെച്ചിരിക്കുന്നത്. ഈ വീഡിയോയില് ഡ്രൈവര് സതീശനെ കണക്കിന് പരിഹസിക്കുകയാണ്.
വാഹന മോഡിഫിക്കേഷന് സംബന്ധിച്ച് ഡ്രൈവറോട് അഭിപ്രായം തേടുന്നതാണ് ഈ വീഡിയോ. വണ്ടി മോഡിഫിക്കേഷന് പ്രതീക്ഷിച്ച പൂക്കിയാണ് എന്റെ ഡ്രൈവര് എന്ന് പറഞ്ഞുതുടങ്ങുന്ന മാധ്യമപ്രവര്ത്തക, എങ്ങനെയുണ്ട് നിങ്ങളുടെ പൂക്കി സി.എമ്മിന്റെ മോഡിഫിക്കേഷന് എന്ന് ഡ്രൈവറോട് ചോദിക്കുന്നു.
“ഓള്റെഡി അനുവദനീയമായിട്ടുള്ള കാര്യങ്ങളാ ഇപ്പോള് മോഡിഫിക്കേഷന് എന്ന പേരില് പറയുന്നത്. സംഭവം കോമഡിയായിപ്പോയി എന്നുമാണ് ഡ്രൈവര് മുഖ്യമന്ത്രി സതീശനെ പരിഹസിക്കുന്നത്. പറ്റില്ലെങ്കില് പറ്റില്ലെന്നു പറഞ്ഞാല് മതി. വെറുതേ ഓരോ കാര്യങ്ങള് പറഞ്ഞ് ഒന്നും അവതാളത്തിലേക്ക് ആക്കാന് പാടില്ല എന്നും ഡ്രൈവര് മുഖ്യമന്ത്രിയെ ഉപദേശിക്കുന്നുണ്ട്. ഇതു കേട്ട മാധ്യമപ്രവര്ത്തക മുഖ്യമന്ത്രിയുടേത് നല്ല ചിരിയല്ലേ എന്നു തിരികെ ചോദിക്കുന്നു. ചിരി മാത്രം ഉണ്ടായിട്ട് കാര്യമില്ല. സീരിയസ്സാവാന് പറയ് എന്നാണ് ഡ്രൈവര് മുഖ്യമന്ത്രിയോട് പറയുന്നത്.
