ന്യൂദല്ഹി: നടന് സലിം കുമാറിന്റെ വിയോഗത്തില് പ്രധാനമന്ത്രി നരേന്ദ്രമോദി അനുശോചിച്ചു. വൈവിധ്യമാര്ന്ന വേഷങ്ങളിലൂടെയും അവിസ്മരണീയ പ്രകടനങ്ങളിലൂടെയും വ്യക്തിമുദ്ര പതിപ്പിച്ച നടനാണ് സലിം കുമാറെന്ന് പ്രധാനമന്ത്രി എക്സില് കുറിച്ചു.
പ്രിയ നടന് ആദരാഞ്ജലി അര്പ്പിക്കാന് പറവൂര് ടൗണ്ഹാളില് സിനിമാ-സാംസ്കാരിക രാഷ്ട്രീയമേഖലയിലെ നിരവധി പേര് എത്തി. ജന്മനാടായ പറവൂരില് നിരവധിപേരാണ് സലിംകുമാറിന് ആദരാഞ്ജലി അര്പ്പിക്കാനെത്തിയത്. മുഖ്യമന്ത്രിയും മന്ത്രിമാരും ജനപ്രതിനിധികളും ഉള്പ്പെടെ ഭരണ-രാഷ്ട്രീയ മേഖലയിലുള്ളവര് ടൗണ്ഹാളിലെത്തി.കനത്ത മഴ വകവയ്ക്കാതെ നാട്ടുകാരും സുഹൃത്തുക്കളും ഉള്പ്പെടെ നൂറുകണക്കിന് ആളുകള് ടൗണ്ഹാളിലെത്തി.
വൃക്കരോഗത്തെ തുടര്ന്ന് ഡയാലിസിസിന് വിധേയനായിരുന്ന സലിംകുമാര് കടുത്ത പനിയെ തുടര്ന്ന് കൊച്ചി അമൃത ആശുപത്രിയില് ചികിത്സയിലായിരുന്നു. കഴിഞ്ഞ രാത്രി രാത്രി 10.43 ന് ഹൃദയാഘാതത്തെ തുടര്ന്നായിരുന്നു മരണം.
