ജയ്പൂർ : കോൺഗ്രസ് രാജ്യത്തെ മുസ്ലീങ്ങളെ വഞ്ചിക്കുകയാണെന്ന് അജ്മീർ ഷെരീഫ് ദർഗയുടെ തലവൻ സയ്യിദ് സർവാർ ചിഷ്തി. മുസ്ലീങ്ങൾ സദാസമയവും ‘ രാഹുൽ ജി, രാഹുൽ ജി ‘ എന്ന് വിളിച്ച് നടക്കുകയാണ് . എന്നാൽ കോൺഗ്രസ് മുസ്ലീങ്ങളെ ചൂഷണം ചെയ്യുകയാണ് . കോൺഗ്രസ് സർക്കാരിന്റെ കാലത്ത് കലാപങ്ങളും ബാബറി മസ്ജിദ് തകർക്കലും ഉൾപ്പെടെ വ്യാപകമായ അടിച്ചമർത്തലുകൾ മുസ്ലീം സമൂഹം നേരിട്ടിരുന്നുവെന്നുംഅദ്ദേഹം പറഞ്ഞു.
രാജസ്ഥാൻ രാജ്യസഭയിൽ ഒരു മുസ്ലീമിനും സീറ്റ് നൽകാത്തതിന് കോൺഗ്രസ് വഞ്ചന കാണിച്ചു .രാജസ്ഥാനിൽ ഭജൻ ലാലിന്റെ ഭരണത്തിൻ കീഴിൽ മാത്രമേ സംസ്ഥാനത്ത് സമാധാനം ഉണ്ടാകൂ. മുഖ്യമന്ത്രി ഭജൻ ലാൽ എല്ലാ സമുദായങ്ങളെയും ബഹുമാനിക്കുകയും തന്റെ സംസ്ഥാനത്തെ പുരോഗതിയുടെ പാതയിലേക്ക് നയിക്കുകയും ചെയ്യുന്നു. എൻആർസി, സിഎഎ പ്രതിഷേധങ്ങൾ പോലെ കോൺഗ്രസിനെതിരെയും മുസ്ലീങ്ങൾ തെരുവിലിറങ്ങേണ്ട സമയം അതിക്രമിച്ചിരിക്കുന്നുവെന്ന് ചിഷ്തി പറഞ്ഞു.
