പെരുമ്പാവൂർ : പെരുമ്പാവൂരിൽ ബസിൽ മോഷണം നടത്തിയ കേസിൽ യുവതി അറസ്റ്റിൽ. കർണ്ണാടക കൊപ്പ സ്വദേശി രാധ (49) നെയാണ് പെരുമ്പാവൂർ പോലീസ് അറസ്റ്റ് ചെയ്തത്. 4 ന് വൈകീട്ടായിരുന്നു സംഭവം.
കൊമ്പനാട് തെക്കുപുറം സ്വദേശിനിയുടെ ബാഗിൽ നിന്ന് പണവും ഏ ടി എം കാർഡും പെൻഡ്രൈവും അടങ്ങിയ പേഴ്സ് ആണ് മോഷ്ടിച്ചത്. പെരുമ്പാവൂർ പ്രൈവറ്റ് ബസ് സ്റ്റാൻ്റിൽ ബസ് നിർത്തി യാത്രക്കാർ ഇറങ്ങുമ്പോഴാണ് മോഷണം നടത്തിയത്. അയ്മുറിയിൽ നിന്നും പെരുമ്പാവൂർക്ക് വരികയായിരുന്നു ബസ്. ശാസ്ത്രീയ അന്വേഷണത്തിനൊടുവിലാണ് യുവതി പിടിയിലായത്.
പെരുമ്പാവൂർ എ .എസ് പി ഹർദിക് മീണ , ഇൻസ്പെക്ടർ ആർ. അനിൽ കുമാർ എസ്.ഐമാരായ പ്രവീൺ പ്രകാശ് , ടി.കെ അനിൽ , എ.എസ്.ഐ എ.ജി രതി, സീനിയർ സി പി ഒ മാരായ രജിത് രാജൻ , എം.ബി ജയന്തി , സി.പി.ഒ നജ്മി എന്നിവരാണ് അന്വേഷണ സംഘത്തിലുണ്ടായിരുന്നത്.
