കോട്ടയം : ശ്രീകൃഷ്ണന്‍ മന്തി കഴിക്കുന്ന ചിത്രം ബിസിനസ് പ്രമോഷന് ഉപയോഗിച്ച കേരള താലിബാന്‍ സംഘം ഇപ്പോഴിതാ ഇസ്ലാമിക സൗഹൃദ വ്യായാമ പരിശീലന കേന്ദ്രങ്ങളും തുടങ്ങുന്നവെന്ന അറിയിപ്പ് കേരളം ഒരു മതാധിപത്യത്തിലേക്ക് നീങ്ങുകയാണെന്നതിന്റെ വ്യക്തമായ സന്ദേശമാണെന്ന് ബിജെപി നേതാവ് എന്‍. ഹരി
കഴിഞ്ഞ വര്‍ഷങ്ങളില്‍ വാണിജ്യ മേഖലകളില്‍ രൂപംകൊണ്ട ഒരു തീവ്രവാദ പ്രസ്ഥാനമാണ് ഇതിന്റെ പിന്നില്‍ എന്ന് വ്യക്തമാണ്. കച്ചവട സ്ഥാപനങ്ങള്‍ കേന്ദ്രീകരിച്ച് ഇസ്ലാമിക വല്‍ക്കരണം നടക്കുന്നു എന്ന റിപ്പോര്‍ട്ടുകള്‍ 100 ശതമാനം ശരിയാണെന്ന് തെളിയിക്കുന്നു. ഹലാല്‍ എന്ന ബ്രാന്‍ഡിങ്ങിലൂടെ തുടങ്ങിയ ഈ വ്യാപാര തീവ്രവാദ ഗ്രൂപ്പ് സംസ്ഥാനത്ത് അനുദിനം പിടിമുറുക്കുകയാണ്.
പാലക്കാട് കുതിരാനിലുള്ള ഒരു ജിംനേഷ്യം ഉടമയാണ് താന്‍ ഇസ്ലാമിക സൗഹൃദ പരിശീലന കേന്ദ്രം ആക്കുമെന്ന് സോഷ്യല്‍ മീഡിയയില്‍ പരസ്യമായി വീഡിയോ പോസ്റ്റ് ചെയ്തത്. രാജ്യത്ത് മറ്റൊരു സംസ്ഥാനത്തും ഇത്ര പരസ്യമായി ഇത്തരത്തിലുള്ള പ്രസ്താവന നടത്താന്‍ കഴിയില്ല. കേരളം മതഭീകര പ്രസ്ഥാനങ്ങളുടെ വളക്കൂറുള്ള മണ്ണാണെന്ന് വീണ്ടും വീണ്ടും വിളിച്ചോതുകയാണിത്.
ജിമ്മില്‍ ഇസ്ലാമിക നിയമങ്ങള്‍ക്ക് അനുസരിച്ച് ആയിരിക്കും പ്രവര്‍ത്തനം എന്ന് വിശദീകരിക്കുന്നുണ്ട്. സ്ത്രീകളും പുരുഷന്മാരും ശരീരം മറച്ചുള്ള പരിശീലനം ആയിരിക്കും നല്‍കുകയെന്നും. പ്രത്യേക സമയങ്ങളില്‍ ആയിരിക്കും പരിശീലനമെന്നും പറയുന്നു.
സ്ത്രീകളുടെ മൗലിക അവകാശങ്ങള്‍ പൂര്‍ണമായും നിഷേധിക്കുന്ന അപരിഷ്‌കൃത നിയമം നടപ്പാക്കുന്ന താലിബാനിസത്തിന്റെ കേരള പതിപ്പാണിത്. അത്തരമൊരു ആഹ്വാനം നടത്തിയതിനുശേഷം ഇതുവരെ പ്രസ്തുത ജിംനേഷ്യം ഉടമയ്‌ക്കെതിരെ മത വിദ്വേഷത്തിന് പൊലീസ് നടപടി ഒന്നും എടുത്തിട്ടില്ല. പോസ്റ്റ് ഡിലീറ്റ് ആക്കി എന്നത് ചൂണ്ടിക്കാട്ടിയാണ് പൊലീസ് പിന്‍വാങ്ങുന്നത് എന്നാണ് ലഭിക്കുന്ന സൂചന.
ആലപ്പുഴയില്‍ വിഷുദിനത്തില്‍ ശ്രീകൃഷ്ണന്‍ മന്തി കഴിക്കുന്ന ചിത്രം പ്രചരിപ്പിച്ചത് വെറും ബിസിനസ് പ്രമോഷന് വേണ്ടി മാത്രമായിരുന്നില്ല എന്ന് ഒരിക്കല്‍ കൂടി അടിവരയിടുന്നതാണ് പുതിയ സംഭവം.
ജില്ലയിലെ ചേര്‍ത്തലയില്‍ സ്ഥിതി ചെയ്യുന്ന ‘മെഹര്‍ മന്തി ആന്‍ഡ് ഗ്രില്‍സ്’ എന്ന റസ്റ്റോറന്റ് പ്രചരിപ്പിച്ച വിഷു ആശംസ പോസ്റ്റര്‍ കേരളത്തെ ഞെട്ടിച്ചു.ഭഗവാന്‍ ശ്രീകൃഷ്ണനെ അറേബ്യന്‍ നോണ്‍-വെജ് വിഭവമായ ‘കുഴിമന്തി’ക്കൊപ്പം ചിത്രീകരിച്ചുകൊണ്ടുള്ള പോസ്റ്റര്‍ ആയിരുന്നു അത്.
ഹലാല്‍ ഭക്ഷ്യ സംസ്‌കാരം സംസ്ഥാനത്ത് വ്യാപകമാക്കാന്‍ തീരുമാനിച്ച അതേ കേന്ദ്രങ്ങള്‍ തന്നെയാണ് ഈ നീക്കത്തിന് പിന്നിലും. ഇത്തരം മത വിദ്വേഷം വളര്‍ത്തുന്ന കേന്ദ്രങ്ങളുടെ ശൃംഖല കണ്ടെത്താനുള്ള അന്വേഷണത്തിനാണ് സംസ്ഥാനത്തെ ഏജന്‍സികള്‍ തയാറാകേണ്ടതെന്ന് എന്‍ ഹരി പറഞ്ഞു.
