ഇടുക്കി: പ്രണയ നൈരാശ്യത്തെ തുടർന്ന് കൊളുക്കുമലയില് നിന്നും കൊക്കയിലേക്ക് ചാടി യുവാവ് ജീവനൊടുക്കി. ചെന്നൈ അഭിരാമപുരം സ്വദേശി എന് ദ്രവിനേഷ്(25) ആണ് ആത്മഹത്യ ചെയ്തത്. ഫയർഫോഴ്സ് നടത്തിയ തെരച്ചിലിൽ 400 അടി താഴ്ചയില് നിന്നും മൃതദേഹം കണ്ടെത്തി.
ബന്ധുക്കള്ക്കൊപ്പം കൊളുക്കുമലയില് സൂര്യോദയം കാണാന് ട്രക്കിങ് ജീപ്പില് എത്തിയതായിരുന്നു ദ്രവിനേഷ്. ഒപ്പമുണ്ടായിരുന്നവര്ക്കിടയില് നിന്ന് പെട്ടെന്ന് ഓടിമാറി കൊക്കയിലേക്ക് ചാടുകയായിരുന്നു. കൊളുക്കുമലയിൽ സിംഹപ്പാറ എന്ന സ്ഥലത്ത് വെച്ചാണ് ദ്രവിനേഷ് കൊക്കയിലേക്ക് ചാടിയത്. തമിഴ്നാടിന്റെ ഭാഗമായുള്ള കൊരങ്ങണി പോലീസ് സ്റ്റേഷന്റെ പരിധിയിലാണ് ഈ സ്ഥലം.
സംഭവം നടന്നയുടൻ തന്നെ പ്രദേശത്തുണ്ടായിരുന്നവര് പോലീസിനെയും ഫയര്ഫോഴ്സിനെയും വിവരമറിയിച്ചു. മൂന്നാറിൽ നിന്നും എത്തിയ ഫയര്ഫോഴ്സ് സംഘം താഴെയിറങ്ങി നടത്തിയ പരിശോധനയിലാണ് മൃതദേഹം കണ്ടെത്തിയത്. പോസ്റ്റ്മോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുനൽകും.
