ഷിംല: ഹിമാചൽ പ്രദേശിലെ നാല് മുനിസിപ്പൽ കോർപ്പറേഷനുകളിൽ മൂന്നെണ്ണം നേടി ഉഗ്രവിജയത്തോടെ ബിജെപി. ധർമ്മശാല, സോളൻ, മാണ്ഡി മുനിസിപ്പൽ കോർപ്പറേഷനുകളിൽ ബിജെപി വിജയിച്ചു,
ധർമ്മശാലയിൽ 17 വാർഡുകളിൽ 11 എണ്ണം ബിജെപി നേടി. സോളനിൽ 10 സീറ്റുകൾ നേടി, മാണ്ഡിയിൽ വോട്ടെടുപ്പ് നടന്ന 14 വാർഡുകളിൽ 12 എണ്ണം നേടി പാർട്ടി ശക്തമായ വിജയം നേടി.
കോണ്ഗ്രസിന് ഒരു മുനിസിപ്പല് കോര്പറേഷന് മാത്രമാണ് നേടാനായത്. പാലംപൂർ മുനിസിപ്പൽ കോർപ്പറേഷനിലാണ് കോൺഗ്രസ് വിജയിച്ചത്. പാലംപൂരിൽ 15 വാർഡുകളിൽ 11 എണ്ണം നേടി കോൺഗ്രസ് വ്യക്തമായ ഭൂരിപക്ഷം നേടി. മെയ് 17 ന് നടന്ന മുനിസിപ്പൽ കോർപ്പറേഷൻ തിരഞ്ഞെടുപ്പിന്റെ വോട്ടെണ്ണൽ കഴിഞ്ഞ ദിവസം പൂർത്തിയായി.
അതേസമയം, ജില്ലാ പരിഷത്ത്, പഞ്ചായത്ത് സമിതി തിരഞ്ഞെടുപ്പുകളുടെ വോട്ടെടുപ്പും നടന്നിട്ടുണ്ട്. 251 ജില്ലാ പരിഷത്ത് സീറ്റുകളിലേക്കും 1,669 പഞ്ചായത്ത് സമിതി സീറ്റുകളിലേക്കും മൂന്ന് ഘട്ടങ്ങളിലായി വോട്ടെടുപ്പ് നടന്നു. പഞ്ചായത്തീരാജ് തെരഞ്ഞെടുപ്പിൽ ഏകദേശം 81 ശതമാനം പോളിംഗ് രേഖപ്പെടുത്തിയതായി കണക്കാക്കപ്പെടുന്നു.
