ഓസ് ലോ: കുട്ടിക്കാലത്ത് നമ്മള് ഓരോ സ്വപ്നങ്ങള് കാണും. നായയെപ്പോലെ നാലുകാലുകളില് നടക്കണമെന്ന് വിചാരിക്കും. അതുപോലെ കുതിരയെപ്പോലെ ഉയരങ്ങള് ചാടിക്കടന്ന് കുതിയ്ക്കണമെന്നും കരുതും. ഇതുപോലെ കുട്ടിക്കാലത്ത് ഇത്തരം സ്വപ്നംങ്ങള് കാണുകയും വളര്ന്നപ്പോള് അത് യാഥാര്ത്ഥ്യമാക്കുകയും ചെയ്ത നോര്വ്വെയിലെ അത്ഭുതപ്പെണ്ണായി മാറിയിരിക്കുകയാണ് അയ്ല ക്രിസ്റ്റീന്.
നാല് വയസ്സ് മുതൽ, അയ്ല ക്രിസ്റ്റീന് ഒരു നായയാകാന് മോഹിച്ചു. മനുഷ്യര് രണ്ട് കാലില് നടക്കുമ്പോള് നായയെപ്പോലെ നാലു കാലില് നടന്നാല് എങ്ങിനെയിരിക്കും? ഈ ചിന്ത അവളെ പിടികൂടുക മാത്രമല്ല, അതുപോലെ നാലുകാലില് നടക്കാന് അവള് ശ്രമിക്കുകയും ചെയ്തു. തുടരെത്തുടരെ ഇങ്ങിനെ ചെയ്തുകൊണ്ടേയിരുന്നപ്പോള് അവള് ആ സിദ്ധിനേടുകയായിരുന്നു. പഴഞ്ചൊല്ലില്ലേ, നിത്യാഭ്യാസി ആനയെ എടുക്കുമെന്ന്. അതുപോലെയായി ഈ അയ്ല ക്രിസ്റ്റീന്റെ കാര്യം. ഇപ്പോള് അവള് നായയെപ്പോലെ കുതിയ്ക്കുന്നു, നടക്കുന്നു. അയ്ല ക്രിസ്റ്റീന്റെ നായയെപ്പോലെ പുല്മൈതാനിയില് നാലുകാലില് നടക്കാന് ശ്രമിക്കുന്ന വീഡിയോ വൈറലാണ്.
കുറച്ചുകൂടി വളര്ന്നപ്പോള് ഉയരങ്ങള് അനായാസം ചാടിക്കടക്കുന്ന കുതിരകളോടായി അയ്ല ക്രിസ്റ്റീന്റെ കമ്പം. അവള് സ്വയം കുതിരയായി സങ്കല്പിച്ച് ആദ്യം ചെറിയ ചെറിയ ഉയരങ്ങള് ചാടിക്കടന്നു. പിന്നീട് അവള് കൂടുതല് കൂടുതല് വലിയ ഉയരങ്ങള് ചാടിക്കടക്കാന് ശ്രമിച്ചു. തുടര്ച്ചയായി ഈ പരിശ്രമം പിന്നീട് വിജയിത്തിലെത്തി. ഇന്ന് അവള് ഒരു പന്തയകുതിരയ്ക്ക് ചാടിക്കടക്കാന് പറ്റുന്ന ഉയരങ്ങള് ചാടിക്കടക്കാന് പ്രാപ്തയായിരിക്കുന്നു. അയ്ല ക്രിസ്റ്റീന്റെ കുതിരയെപ്പോലെ ഉയരങ്ങള് ചാടിക്കടക്കുന്ന വീഡിയോയും ലോകമെങ്ങുമുള്ള ആളുകളെ ആകര്ഷിക്കുകയാണ്.
അയ്ല ക്രിസ്റ്റീന് കുതിരകളെ അനുകരിക്കുക മാത്രമല്ല, അത്ഭുതകരമായ രീതിയില് കുതിരയ്ക്കൊത്തവിധം ശരീരഭാഷയെ മാറ്റിയെടുക്കുകയും ചെയ്തിരുന്നു. അവൾ ഒറ്റരാത്രികൊണ്ട് കുതിരയുടെ ചാടാനുള്ള സ്വഭാവം കൈവരിച്ചതല്ല. വർഷങ്ങളോളം നീണ്ട കഠിന പരിശീലനത്തിന്റെ ഫലമാണിത്. ഇന്ന്, അവൾ എളുപ്പത്തിൽ കുതിച്ചുചാട്ടം നടത്തുകയും വേലികൾക്ക് മുകളിലൂടെ പറക്കുകയും ചെയ്യുന്നു. മറ്റെല്ലാ കാര്യങ്ങളിലും, അയ്ല ക്രിസ്റ്റീന് ഒരു സാധാരണ പെണ്ണാണ്. സാധാരണ സ്ത്രീകളെപ്പോലെയാണ് പെരുമാറുന്നത്. പക്ഷെ നായയെപ്പോലെ നാലുകാലുകളില് ഓടുകയും കുതിരയെപ്പോലെ കൂറ്റന് വേലികള് ചാടിക്കടക്കുകയും ചെയ്യുന്ന അസാധരണ കഴിവ് സ്വായത്തമാക്കിയെന്ന് മാത്രം.
അയ് ല ക്രിസ്റ്റീന്റെ വീഡിയോ കാണാം
