ന്യൂദല്ഹി :ജമ്മുകശ്മീരില് വിനോദസഞ്ചാരകേന്ദ്രമായ ഗുല്മാര്ഗില് കേബിള് കാറില് സാങ്കേതിക തകരാറിനെ തുടര്ന്ന് നിരവധി സഞ്ചാരികള് കുടുങ്ങിയ പശ്ചാത്തലത്തില് രക്ഷാപ്രവര്ത്തനം പുരോഗമിക്കുന്നു. 300 പേരോളം പേരാണ് കേബിള് കാറില് കുടുങ്ങിയത്. കുടുങ്ങിക്കിടക്കുന്നവരില് മലയാളികളുമുണ്ട്.
80ഓളം പേരെ ഇതിനകം സുരക്ഷിതമായി താഴെയിറക്കി. തിങ്കളാഴ്ച ഉച്ചയ്ക്കാണ് സാങ്കേതിക തകരാര് മൂലം കേബിള് കാറുകള് നിശ്ചലമായത്. ബാക്കിയുള്ള സഞ്ചാരികളെ സുരക്ഷിതമായി താഴെ ഇറക്കാന് നടപടികള് പുരോഗമിക്കുന്നതായി മുഖ്യമന്ത്രി അറിയിച്ചു.
ജമ്മു കശ്മീര് പൊലീസും എസ്ഡിആര്എഫും രക്ഷാപ്രവര്ത്തനത്തില് പങ്കെടുക്കുന്നുണ്ട്. കരസേനയും രക്ഷപ്രവര്ത്തനത്തിനെത്തി. നടപടികള് വേഗത്തിലാക്കാന് നിര്ദ്ദേശം നല്കിയതായി ലഫ്: ഗവര്ണര് അറിയിച്ചു.
