ഗുരുവായൂര്‍: മുഖ്യമന്ത്രി വി ഡി സതീശന്റെ ഗുരുവായൂര്‍ ക്ഷേത്ര സന്ദര്‍ശനം ഭക്തരുടെ ദര്‍ശനം തടസപ്പെടുത്തിയെന്ന് പരാതിപ്പെട്ട് ബിജെപി.വീഡിയോ ചിത്രീകരണത്തിന് വിലക്കുള്ള പ്രദേശത്ത് ഹൈബി ഈഡന്‍ എംപി വീഡിയോ ചിത്രീകരിച്ചു.മുഖ്യമന്ത്രിയ്‌ക്കും അനുയായികള്‍ക്കും വി ഐ പി ദര്‍ശനം അനുവദിച്ചു. രാത്രി 11 മണി മുതല്‍ ദര്‍ശനം കാത്തുനിന്ന ഭക്തര്‍ മുഖ്യമന്ത്രിയുടെ സന്ദര്‍ശനത്തെ തുടര്‍ന്ന് ദര്‍ശനം ലഭിക്കാതെ മടങ്ങേണ്ടി വന്നു.ഹൈക്കോടതി ഉത്തരവുകളുടെ ലംഘനമാണ് നടന്നതെന്ന് ബിജെപി നേതാവ് ബി ഗോപാലകൃഷ്ണന്‍ പറഞ്ഞു. ഗുരുവായൂര്‍ ദേവസ്വം അഡ്മിനിസ്‌ട്രേറ്റര്‍ക്ക് ഇതുമായി ബന്ധപ്പെട്ട പരാതി കൈമാറി.
റവന്യൂ മന്ത്രി എ പി അനില്‍കുമാറിന്റെ മകന്റെ വിവാഹത്തില്‍ പങ്കെടുക്കാനാണ് മുഖ്യമന്ത്രി വി ഡി സതീശന്‍ ഗുരുവായൂര്‍ സന്ദര്‍ശിച്ചത്. ക്ഷേത്ര പരിസരത്ത് കര്‍ശന സുരക്ഷയായിരുന്നു ഏര്‍പ്പെടുത്തിയിരുന്നത്.മന്ത്രിമാരും എം പി മാരും ഉള്‍പ്പെടെ വിവാഹത്തില്‍ പങ്കെടുക്കാന്‍ എത്തി.
കെ കരുണാകരന് ശേഷം ഗുരുവായൂര്‍ ക്ഷേത്രത്തില്‍ എത്തുന്ന ആദ്യ മുഖ്യമന്ത്രി ആണ് വി ഡി സതീശന്‍.
