ന്യൂദല്‍ഹി: മോദി സര്‍ക്കാരിനെ അട്ടിമറിക്കാന്‍ ഏതാനും മാസങ്ങള്‍ക്ക് മുന്‍പ് ഒരു ചാരന്‍ ആന്ധ്ര മുഖ്യമന്ത്രി ചന്ദ്രബാബു നായിഡുവിനെ സമീപിച്ചതായി റിപ്പോര്‍ട്ട്. പക്ഷെ നായിഡു മോദിയെ ചതിക്കാന്‍ ഇഷ്ടപ്പെട്ടില്ലെന്ന് മാത്രമല്ല, മോദി ടീമിനെ ഇക്കാര്യം ഉടനെ അറിയിക്കുകയും ചെയ്തു. ഇതോടെ ആ അട്ടമറി ശ്രമം പരാജയപ്പെട്ടു.
ഇത് അന്താരാഷ്‌ട്ര മാധ്യമങ്ങളില്‍ വാര്‍ത്തയായതോടെയാണ് പുറം ലോകം അറിയുന്നത്. മോദി സര്‍ക്കാരിനെ താഴെ വീഴ്‌ത്താന്‍ സഹായിച്ചാല്‍ ചന്ദ്രബാബു നായിഡുവിനെ പ്രധാനമന്ത്രിയാക്കാമെന്നും കോണ്‍ഗ്രസ് ഒന്നടങ്കം ചന്ദ്രബാബു നായിഡുവിനെ പിന്തുണയ്‌ക്കുമെന്നും ഇതിന് വേണ്ട സഹായങ്ങള്‍ ഉപരാഷ്‌ട്രപതിയായ ജഗ്ധീപ് ധന്‍കര്‍ ചെയ്തുതരുമെന്നുമായിരുന്നു ഈ ചാരന്‍ ചന്ദ്രബാബുവിന് ഉറപ്പുനല്‍കിയത്.
എന്നാല്‍ ഒരിയ്‌ക്കല്‍ മോദിയെ എതിര്‍ത്തതിന് ശേഷം ആന്ധ്രയില്‍ നിന്നും പുറത്തുപോകേണ്ടിവന്ന ചന്ദ്രബാബു നായിഡുവിന് വീണ്ടും ഭരണത്തിലേറാന്‍ മോദിയുടെ സഹായം വരെ സ്വീകരിക്കേണ്ടിവന്നിരുന്നു. ഇതോടെ ഒരു തികഞ്ഞ മോദി ഭക്തനായി മാറിയ ചന്ദ്രബാബു ഈ അട്ടിമറിനീക്കം അപ്പോള്‍ തന്നെ മോദി ടീമിനെ അറിയിക്കുകയായിരുന്നു.
ജഗ്ധീപ് ധന്‍കറിനെ പുറത്താക്കിയതിന് പിന്നില്‍ മോദി സര്‍ക്കാരിനെ അട്ടിമറിക്കാനുള്ള നീക്കത്തില്‍ പങ്കാളിയായതിനാലാണെന്നും ചില റിപ്പോര്‍ട്ടുകള്‍ ഈയിടെ പുറത്തുവരുന്നുണ്ട്.
