തിരുവനന്തപുരം: നേമം മണ്ഡലത്തില് 24 മണിക്കൂറും പ്രവര്ത്തിക്കുന്ന ആംബുലന്സ് സേവന സൗകര്യം ഉള്പ്പടെയുള്ള എം എല് എ ഓഫിസ് ജൂണ് ആദ്യവാരം പ്രവര്ത്തനം ആരംഭിക്കുമെന്നും
വികസന കാര്യത്തില് സംസ്ഥാന സര്ക്കാര് ബിജെപി യുടെ മണ്ഡലങ്ങളോട് വിവേചനം കാണിച്ചാല് ശക്തമായ പ്രതികരണം ഉണ്ടാവുമെന്നും നേമം എം എല് എ രാജീവ് ചന്ദ്രശേഖര്. നേമത്തെ ജനങ്ങള് തന്നെ എം എല് എ ആക്കിയത് അവരുടെ ജീവതത്തില് വിത്യാസം കൊണ്ടു വരാനാണന്നും രാജീവ് ചന്ദ്രശേഖര് പറഞ്ഞു. നേമം മണ്ഡലത്തിലെ എസ്റ്റേറ്റ്, കരുമം, കാലടി വാര്ഡുകളില് നടന്ന നന്ദി നേമം എന്ന പൗര സ്വീകരണ പരിപാടിയില് സംസാരിക്കുക ആയിരുന്നു അദ്ദേഹം.
എല്ലാ ആഴ്ചയും രണ്ടു ദിവസം എം എല് എ ഓഫിസിലും ഒരു ദിവസം ബിജെപി സംസ്ഥാന ഓഫിസിലും ജനങ്ങള്ക്ക് നേരിട്ട് കാണാനുള്ള സൗകര്യമുണ്ടായിരിക്കുന്നതിന് പുറമെ ഫോണിലൂടെയും ഈമെയിലിലൂടെയും തന്നെ ബന്ധപ്പെടാനാവുമെന്നും രാജീവ് ചന്ദ്രശേഖര് പറഞ്ഞു. എല്ലാ രണ്ടു മാസം കൂടും തോറും വാര്ഡ്തല ജന സമ്പര്ക്കങ്ങള് മേയറെയും ഡെപ്യുട്ടി മേയറെയും അതാത് വാര്ഡ് കൗണ്സിലര്മാരെയും ഉള്പ്പെടുത്തി നടത്തും. നേമത്ത് വികസനം കൊണ്ടു വരാന് തിരുവനന്തപുരം നഗരസഭ, സംസ്ഥാന സര്ക്കാര്, കേന്ദ്ര സര്ക്കാര് എന്നിവകളോട് ചേര്ന്ന് പ്രവര്ത്തിക്കുമെന്നും അദ്ദേഹം അറിയിച്ചു.
നേമം മണ്ഡലത്തിലെ കുടിവെള്ള പ്രശ്നം, മാലിന്യ പ്രശ്നം, വെള്ളക്കെട്ടിനുള്ള പരിഹാരം എന്നിവയിലായിരിക്കും തന്റെ ആദ്യ ഇടപെടല് ഉണ്ടാവുക എന്നും രാജിവ് ചന്ദ്രശേഖര് കൂട്ടി ചേര്ത്തു.
ജനാധിപത്യത്തില് പൂട്ടും താക്കോലും ജനങ്ങളുടെ പക്കലാണന്നും നേമത്ത് വരാനിരിക്കുന്നത് വികസനത്തിന്റെ നാള് വഴികളായിരിക്കുമെന്നും തിരുവനന്തപുരം സിറ്റി ജില്ലയില് നിന്ന് രണ്ടു എം എല് എമാര് ഉണ്ടായതും കോര്പ്പറേഷന് ഭരണം ലഭിച്ചതും തിരുവനന്തപുരം നഗരവാസികള് ബിജെപിയില് അര്പ്പിച്ച വലിയ വിശ്വാസത്തിന്റെ തെളിവാണന്ന് പരിപാടിയില് സംസാരിച്ച ബിജെപി സിറ്റി ജില്ലാ അദ്ധ്യക്ഷന് കരമന ജയന് പറഞ്ഞു.
ബിജെപി സംസ്ഥാന സമിതി അംഗം മഹേശ്വരന് നായര്, കരുമം വാര്ഡ് കൗണ്സിലറും ഡെപ്യൂട്ടി മേയറുമായ ആശാനാഥ്, കാലടി വാര്ഡ് കൗണ്സിലറും നഗരസഭാ പൊതു മരാമത്ത് ചെയര് പേഴ്സണുമായ മഞ്ജു ജി എസ്, എസ്റ്റേറ്റ് വാര്ഡ് കൗണ്സിലര് അഭിലാഷ്, ആറ്റുകാല് മണ്ഡലം പ്രസിഡന്റ് കോളിയൂര് രാജേഷ്, കാലടി വാര്ഡ് ഇലക്ഷന് കമ്മിറ്റി ചെയര്മാന് ലിജു നായര് എന്നിവര് പ്രസംഗിച്ചു.
