കണ്ണൂര്:നിയമസഭാ തിരഞ്ഞെടുപ്പിലേറ്റ പരാജയം എല്ഡിഎഫിന്റെയോ സിപിഎമ്മിന്റെയോ അവസാനമല്ലെന്ന് നിയുക്ത പ്രതിപക്ഷ നേതാവ് പിണറായി വിജയന്.പത്ത് വര്ഷംകൊണ്ട് കേരളത്തെ വലിയതോതില് മുന്നോട്ടുകൊണ്ടുപോകാന് ശ്രമിക്കുകയും വിവിധ മേഖലകളില് പുരോഗതി ഉറപ്പുവരുത്താന് കഴിഞ്ഞെന്നും പൊതുപരിപാടിയില് അദ്ദേഹം പറഞ്ഞു.
ക്രിയാത്മക പ്രതിപക്ഷമായി പ്രവര്ത്തിക്കാനാണ് ഉദ്ദേശം. കൂടുതല് ജനപിന്തുണയോടെ കൂടുതല് കരുത്തോടെ സിപിഎമ്മും എല്ഡിഎഫും തിരിച്ചുവരുമെന്നും പിണറായി വിജയന് പറഞ്ഞു.
സര്ക്കാരിന് ക്രിയാത്മക പിന്തുണ നല്കും.വികസന തുടര്ച്ച തങ്ങള്ക്ക് മാത്രമെ നടത്താനാകൂവെന്ന് പറയുന്നില്ല. അങ്ങനെ നിര്ബന്ധവും ഇല്ല. ജനവിധിയുടെ ഭാഗമായി തുടര്പ്രവര്ത്തനങ്ങള് നടത്തേണ്ടത് യുഡിഎഫ് സര്ക്കാരാണ്.ആ സര്ക്കാര് നാടിന്റെ അഭിവൃദ്ധിക്ക് ജനക്ഷേമത്തിന് ഉതകുന്നവയെല്ലാം നടപ്പാക്കണം എന്നതാണ് തങ്ങളുടെ നിലപാട്.ഏതെങ്കിലും തരത്തില് നാടിന്റെ താല്പര്യത്തിനോ ജനക്ഷേമത്തിനോ വിരുദ്ധമായ നടപടിയുണ്ടായാല് അതിശക്തമായി എതിര്ക്കും – പിണറായി പറഞ്ഞു.
വിദ്യാഭ്യാസരംഗവും ആരോഗ്യ രംഗവും തകര്ന്നടിഞ്ഞ സ്ഥിതിയില് നിന്ന് ഉയര്ത്തികൊണ്ടുവന്നു. ശാസ്ത്ര സാങ്കേതിക രംഗത്ത് അഭൂതപൂര്വ വളര്ച്ചയിലേക്ക് എത്തിക്കാനായി.സര്ക്കാര് ഞങ്ങളോടൊപ്പം ഉണ്ട് എന്ന പ്രതീതി ഉണ്ടാക്കാന് കഴിഞ്ഞു. ദേശീയ തലത്തില് ശ്രദ്ധിക്കുന്ന നിരവധി പ്രവര്ത്തികള് എല്ഡിഎഫ് ചെയ്തെന്നും പിണറായി അവകാശപ്പെട്ടു.ഇതെല്ലാം ഉണ്ടെങ്കിലും ഭരണമാറ്റം വേണമെന്നാണ് ജനങ്ങള് വിധി എഴുതിയത്. ജനവിധി പൂര്ണമായും അംഗീകരിക്കുന്നു.
