എരുമേലി: ഭക്തര്‍ കൊണ്ടുവരുന്ന നെയ്യിന്‌റെ പരിശോധിക്കാന്‍ സന്നിധാനത്ത് ലാബ് സ്ഥാപിക്കുമെന്ന് തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ്. അപ്പവും അരവണയും ഉണ്ടാക്കാന്‍ ഉപയോഗിക്കാമോ എന്ന് ഉറപ്പാക്കാനാണ് പരിശോധന നടത്തുന്നത്.
ശബരിമലയില്‍ ഇ ലേലം ഏര്‍പ്പെടുത്തുമെന്നും സ്ഥിരം കരാറുകാരെ ഒഴിവാക്കുമെന്നും പ്രസിഡന്റ് കെ.ജയകുമാര്‍ പറഞ്ഞു . ശബരിമല നെയ് ക്രമക്കേടില്‍ മറ്റ് അന്വേഷണങ്ങള്‍ തടസ്സപ്പെടാത്ത വിധമുളള വിശദമായ അന്വേഷണത്തിന് ദേവസ്വം വിജിലന്‍സിനെ ചുമതലപ്പെടുത്തിയിട്ടുണ്ട്. ബോര്‍ഡിലെ ജീവനക്കാര്‍ക്ക് ക്രമക്കേടില്‍ പങ്കുണ്ടോ എന്നാണ് ദേവസ്വം വിജിലന്‍സ് അന്വേഷിക്കുക.
ശബരിമലയിലെ പര്‍ച്ചേസുകള്‍ക്ക് ഇ ടെണ്ടറും ഈ ഓക്ഷനും ഏര്‍പ്പെടുത്തുകയാണ്. നേരിട്ടുള്ള ലേലം വിളി നിര്‍ത്തലാക്കുമെന്നും അദ്ദേഹം വ്യക്തമാക്കി.
