തിരുവനന്തപുരം: ഭാഗ്യക്കുറി നറുക്കെടുപ്പ് ഫലങ്ങള്‍ പൊതുജനങ്ങളിലേക്ക് അതിവേഗം എത്തിക്കുന്നതിന് ആപ്പ് വികസിപ്പിച്ച് കേരള സംസ്ഥാന ഭാഗ്യക്കുറി വകുപ്പ് .സംസ്ഥാന ഭാഗ്യക്കുറി വകുപ്പിന്റെ ഔദ്യോഗിക മൊബൈല്‍ ആപ്ലിക്കേഷനായ ‘Kerala Lottery Official’ പൊതുജനങ്ങള്‍ക്ക് ലഭ്യമാണെന്ന് അധികൃതര്‍ അറിയിച്ചു.
നറുക്കെടുപ്പിന്റെ തത്സമയ സംപ്രേഷണം, സമ്മാനാര്‍ഹമായ നമ്പരുകള്‍, മറ്റ് ഔദ്യോഗിക വിവരങ്ങള്‍ എന്നിവ ആപ്പിലൂടെ ലഭിക്കും.ക്യൂ ആര്‍ കോഡ് സ്‌കാന്‍ ചെയ്‌തോ ടിക്കറ്റ് നമ്പര്‍ നേരിട്ട് നല്‍കിയോ നറുക്കെടുപ്പ് ഫലം പരിശോധിക്കാം.
ഗൂഗിള്‍ പ്ലേ സ്റ്റോറില്‍ നിന്ന് ‘Kerala Lottery Official’ ആപ്പ് ഡൗണ്‍ലോഡ് ചെയ്യാം. വ്യാജ ആപ്പുകളും അനധികൃത വെബ്‌സൈറ്റുകളും ഒഴിവാക്കി ഔദ്യോഗിക ആപ്പ് മാത്രം ഉപയോഗിക്കണമെന്ന് ഭാഗ്യക്കുറി വകുപ്പ് ഡയറക്ടര്‍ അറിയിച്ചു.
