തിരുവനന്തപുരം: യു ഡി എഫ് മന്ത്രിസഭയില്‍ മന്ത്രിമാരുടെ വകുപ്പ് വിഭജനം സംബന്ധിച്ച വിജ്ഞാപനം നീളുന്നു.ചില വകുപ്പുകളില്‍ തര്‍ക്കം നിലനില്‍ക്കുന്നതിനാലാണിത്.ഫിഷറീസ് മുസ്ലീം ലീഗിന് നല്‍കുന്നതില്‍ കോണ്‍ഗ്രസില്‍ എതിര്‍പ്പുണ്ടെന്നാണ് സൂചന.ഫിഷറീസ് വകുപ്പ് നല്‍കിയാലേ ഉന്നത വിദ്യാഭ്യാസ വകുപ്പ് വിട്ടു നല്‍കൂ എന്ന നിലപാടിലാണ് ലീഗ്.
സത്യപ്രതിജ്ഞ കഴിഞ്ഞ് ഇത്ര സമയം ആയിട്ടും മന്ത്രിമാരുടെ വകുപ്പ് സംബന്ധിച്ച പട്ടിക ലോക്ഭവന് കൈമാറിയിട്ടില്ല.റോജി എം ജോണിന് ഉന്നത വിദ്യാഭ്യാസ വകുപ്പ് നല്‍കാനായിരുന്നു കോണ്‍ഗ്രസില്‍ തീരുമാനം. അങ്ങനെയെങ്കില്‍ ഫിഷറീസ് വകുപ്പ് വേണം എന്ന നിലപാടിലാണ് ലീഗ്. ലത്തീന്‍ സഭയുടെ പ്രതിഷേധം കണക്കിലെടുത്ത് കോണ്‍ഗ്രസ് തന്നെ ഫിഷറീസ് വകുപ്പ് കൈവശം വയ്‌ക്കണം എന്ന അഭിപ്രായം പാര്‍ട്ടിയില്‍ ഉണ്ട്.ടി സിദ്ദിഖിന് നല്‍കിയ കൃഷി വകുപ്പില്‍ അദ്ദേഹത്തിന് താത്പര്യമില്ലെന്നാണ് റിപ്പോര്‍ട്ട്. ഇത്തരം തര്‍ക്കങ്ങള്‍ കാരണമാണ് ഇതുവരെ മന്ത്രിമാരുടെ വകുപ്പ് സംബന്ധിച്ച് വിജ്ഞാപനം ഇറങ്ങാത്തത്.
