ചെന്നൈ : തമിഴ്നാട്ടില് മുഖ്യമന്ത്രി സി ജോസഫ് വിജയുടെയും മന്ത്രിമാരുടെയും വകുപ്പുകളായി.ശനിയാഴ്ച വൈകിട്ടാണ് വകുപ്പുകള് സംബന്ധിച്ച് ഉത്തരവിറങ്ങിയത്.
ആഭ്യന്തരം ഉള്പ്പെടെ സുപ്രധാന വകുപ്പുകള് മുഖ്യമന്ത്രി വിജയ് കൈകാര്യം ചെയ്യും. കെ എ സെങ്കോട്ടയ്യനാണ് ടിവികെ സര്ക്കാറിലെ ധനമന്ത്രി.ആഭ്യന്തരത്തിന് പുറമെ ഐഎഎസ്,ഐപിഎസ്,ഐഎഫ്എസ്, വനിതാ ക്ഷേമം, യുവജന ക്ഷേമം, ശിശു ക്ഷേമം, ഭിന്നശേഷിക്കാരുടെ ക്ഷേമം, നഗര, ജലവിതരണം തുടങ്ങിയ വകുപ്പുകളും വിജയ് കൈകാര്യം ചെയ്യും.
ടിവികെ ജനറല് സെക്രട്ടറി എന്. ആനന്ദ് ജലസേചനം,ഗ്രാമ വികസനം, പഞ്ചായത്ത് ഭരണ വകുപ്പുകള് കൈകാര്യം ചെയ്യും. പൊതുമരാമത്ത്, കായിക വകുപ്പുകളാണ് ആദവ് അര്ജുനയ്ക്ക് നല്കിയത്. ഡോ. കെ ജി അരുണ്രാജാണ് ആരോഗ്യമന്ത്രി.രാജ്മോഹന് വിദ്യഭ്യാസവും തമിഴ് വികസനവും വകുപ്പുകള് വഹിക്കും. പി വെങ്കിട്ടരമണന്- ഭക്ഷ്യ -പൊതുവിതരണം,സിടിആര് നിര്മല്കുമാര്- ഊര്ജം, നിയമ വകുപ്പ്, ഡോ. ടി കെ പ്രഭു- പ്രകൃതി വിഭവങ്ങള്, എസ് കീര്ത്തന വ്യവസായം എന്നിങ്ങനെയാണ് മറ്റ് മന്ത്രിമാരുടെ വകുപ്പുകള്.
മന്ത്രിസഭാ വികസനം ഉടനുണ്ടാകുമെന്നാണ് സൂചന.കോണ്ഗ്രസിന് രണ്ട് മന്ത്രി സ്ഥാനങ്ങള് ലഭിച്ചേക്കും. അണ്ണാ ഡിഎംകെവിട്ട് ടിവികെയ്ക്ക് പിന്തുണ നല്കിയ 25 എംഎല്എമാരില് ചിലര്ക്ക് മന്ത്രി സ്ഥാനം ലഭിക്കുമെന്നാണ് വിവരം.
