ചെന്നൈ: തമിഴ്നാട്ടില് ജോസഫ് വിജയ് മുഖ്യമന്ത്രിയായി ചുമതലയേറ്റതിന് പിന്നാലെ ഐഎഎസ് തലപ്പത്ത് അഴിച്ചുപണി.മുന് മുഖ്യമന്ത്രി എം കെ സ്റ്റാലിന്റെ വിശ്വസ്തനായ ധനകാര്യ സെക്രട്ടറി ഉദയചന്ദ്രനെ മാറ്റി. എം എ സിദ്ദിഖിനെ പുതിയ ധനകാര്യ സെക്രട്ടറിയായി നിയമിച്ചു.
2012 ബാച്ച് ഐഎഎസ് ഉദ്യോഗസ്ഥന് മലയാളിയായ വി വിഷ്ണുവിനെ മുഖ്യമന്ത്രിയുടെ അഡീഷണല് സെക്രട്ടറിയായി നിയമിച്ചു.കൊച്ചി സ്വദേശിയാണ് വി വിഷ്ണു.മൂന്ന് മുതിര്ന്ന ഉദ്യോഗസ്ഥരും മുഖ്യമന്ത്രിയുടെ സെക്രട്ടറിമാരായുണ്ട്. തെരഞ്ഞെടുപ്പ് കമ്മീഷന് മാറ്റിയ ചീഫ് സെക്രട്ടറി എം മുരുഗാനന്ദനെ റവന്യൂ കമ്മീഷണറായി നിയമിച്ചു. ടാസ്മാക് എംഡിയെ മാറ്റി കെ.നന്ദകുമാറിന് പകരം ചുമതല നല്കി.
വിജയിയുടെ ഡ്രൈവറും പിഎയുമായ രാജേന്ദ്രന്റെ മകന് വിരുഗമ്പാക്കം എംഎല്എ ശബരീനാഥനെ സര്ക്കാര് വിപ്പായി ക്യാബിനറ്റ് റാങ്കോടെ നിയമിച്ചു. എംഎല്എയായി സത്യപ്രതിജ്ഞ ചെയ്തശേഷം ഒപ്പിടും മുമ്പ് വിജയുടെ അനുവാദം തേടുന്ന ശബരീനാഥന്റെ വീഡിയോ വൈറലായിരുന്നു.
