വാഷിങ്ടന്: വരും കാലഘട്ടത്തില് ഭാവിലോകത്തെ നയിക്കാന് പോകുന്നത് ഭാരതമാണെന്ന് യുഎസ് സ്റ്റേറ്റ് ഡെപ്യൂട്ടി സെക്രട്ടറി ക്രിസ്റ്റഫര് ലാന്ഡോ. യുഎസില് സംഘടിപ്പിച്ച പൊതുപരിപാടിയില് സംസാരിക്കുകയായിരുന്നു അദ്ദേഹം. ഇരുപത്തിയൊന്നാം നൂറ്റാണ്ടിനെ രൂപപ്പെടുത്തുന്നതും ഭാരതമായിരിക്കും. ഭാരതത്തിന്റെ മുന്നേറ്റത്തോടൊപ്പം സഞ്ചരിക്കാന് അമേരിക്ക ആഗ്രഹിക്കുന്നതായും അദ്ദേഹം പറഞ്ഞു.
വലിയ മനുഷ്യ സമ്പത്തുള്ള രാജ്യമാണ് ഭാരതം. സാമ്പത്തിക രംഗത്ത് മറ്റെല്ലാ രാജ്യങ്ങളും മുന്നേറുന്നതിനേക്കാള് അതിശക്തമായി ജിഡിപി രംഗത്ത് വളര്ച്ച നേടുന്ന രാജ്യം കൂടിയാണ്. നിരവധി നിക്ഷേപ സംവിധാനങ്ങളും ഭാവനാ സമ്പന്നമായ നിക്ഷേപ പരിപാടികളും പശ്ചാത്തല സൗകര്യ വികസനങ്ങളും എല്ലാം തന്നെ ഭാരതം ഒരുക്കുകയും ചെയ്യുന്നുണ്ട്. ഈ സാഹചര്യത്തില് ഭാവിയില് ഭാരതമായിരിക്കും ലോകത്തെ നയിക്കുക. അല്ലെങ്കില് ലോകത്തിന് ഒരു രൂപഘടന നല്കുക എന്ന കൃത്യമായ ബോധ്യം വരുന്ന ഘടകങ്ങളാണ് ഉള്ളതെന്നും അദ്ദേഹം പറഞ്ഞു.
നേരത്തെ അമേരിക്കയുടെ ചൈനയുമായുള്ള സഹകരണം തെറ്റായ നീക്കമാണെന്നും ക്രിസ്റ്റഫര് പറഞ്ഞിരുന്നു.
