തിരുവനന്തപുരം: പിണറായി വിജയന് നഗരത്തിലെ ബേക്കറി ജംഗ്ഷന് സമീപത്തെ വീട്ടിലേക്ക് താമസം മാറുമോ ? അദ്ദേഹത്തിന് വേണ്ടി ഇവിടെ വീട് വാടകയ്ക്ക് എടുത്തിട്ടുണ്ട്.
ക്ലിഫ് ഹൗസില് നിന്ന് സാധനങ്ങള് ഈ വീട്ടിലേക്ക് മാറ്റി. എ കെ ജി സെന്ററിന് സമീപത്തെ ചിന്ത കെട്ടിട സമുച്ചയത്തിലെ രണ്ട് ഫ്ലാറ്റുകള് പിണറായിക്കായി നേരത്തേ തന്നെ പാര്ട്ടി അനുവദിച്ചിട്ടുണ്ട്.
പിണറായി പ്രതിപക്ഷ നേതാവാകുകയാണെങ്കില് കന്റോണ്മെന്റ് ഹൗസ് അദ്ദേഹത്തിന് കിട്ടും. ഇനി അദ്ദേഹം പ്രതിപക്ഷ നേതൃ പദവി വഹിക്കുന്നില്ലെങ്കില് വാടക വീട്ടിലേക്ക് മാറിയാല് മതിയെന്നിരിക്കെയും ചിന്ത ഫ്ലാറ്റ് കൈവശം ഉണ്ടായിരിക്കെയും ചെയ്യുമ്പോള് എന്താണ് പിണറായിയുടെ മനസിലുളളത് എന്ന അഭ്യൂഹം ഉയരുന്നുണ്ട്.ഇതല്ലെങ്കില് കന്റോണ്മെന്റ് ഹൗസ് ഉപയോഗിക്കുമ്പോള് തന്നെ താമസം ബേക്കറി ജംഗ്ഷനിലെ വീട്ടിലാകാനും മതി.
ചൊവ്വാഴ്ച സി പി എം സംസ്ഥാന സെക്രട്ടേറിയറ്റ് ചേരുന്നുണ്ട്. പ്രതിപക്ഷ നേതാവ് ആരാകുമെന്നതില് ചര്ച്ച ഉണ്ടാകും.
ദല്ഹിയില് പി ബി യോഗത്തിന് ശേഷം അല്പ സമയത്തിനകം പിണറായി തിരുവനന്തപുരത്തെത്തും.
