കണ്ണൂര്: മുഖ്യമന്ത്രി ആരെന്നതില് തീരുമാനം നീളവെ കെ.സി.വേണുഗോപാല്-കെ. സുധാകരന് ഗ്രൂപ്പ് യോഗം കണ്ണൂരിലെ കെ. സുധാകരന്റെ വീട്ടില് നടക്കും.ഒന്നിച്ചു പോകുന്നതിന്റെ ഭാഗമായാണ് യോഗം വിളിച്ചത്. യോഗത്തില് കണ്ണൂര് ജില്ലയിലെ കെസി, കെ സുധാകരന് പക്ഷക്കാര് പങ്കെടുക്കും. കൂടാളി മണ്ഡലം പ്രസിഡന്റ് ശ്രീപ്രസാദ്, മട്ടന്നൂര് ബ്ലോക്ക് സെക്രട്ടറി, എല് ജി ദയാനന്ദ്, ഡിസിസി സെക്രട്ടറി വി ആര് പ്രസാദ്, എന്നിവരാണ് കെ സുധാകരന്റെ വീട്ടില് എത്തിയത്. വ്യക്തിപരമായ സന്ദര്ശനമാണെന്ന് നേതാക്കള് പറഞ്ഞു. എത്തിയവരെല്ലാം കെ എസ് പക്ഷക്കാരാണെന്ന് പറയുന്നു.
മുഖ്യമന്ത്രി ചര്ച്ച പുരോഗമിക്കുന്നതിനിടെ മുതിര്ന്ന നേതാവ് കെ മുരളീധരന്, കെ. സുധാകരന് എന്നിവരുള്പ്പെടെ മുന് കെ പി സി സി അധ്യക്ഷന്മാരെ ദല്ഹിയിലേക്ക് വിളിപ്പിച്ച സാഹചര്യത്തിലാണ് കണ്ണൂരിലെ ഗ്രൂപ്പ് യോഗം.ഹൈക്കമാന്ഡിന്റെ നേതൃത്വത്തില് നടക്കുന്ന ചര്ച്ചകളില് കെ സി വേണുഗോപാലിനാണ് നിലവില് മുന്തൂക്കം.
മുന് മന്ത്രിയും കെ പി സി സി അധ്യക്ഷനുമായിരുന്ന കെ സുധാകരന്,കെ സി വേണുഗോപാലിനെ പിന്തുണച്ച് ഹൈക്കമാന്ഡിന് കത്ത് നല്കിയിരുന്നു.
