തിരുവനന്തപുരം: നരേന്ദ്രമോദിയോട് മുഖത്തുനോക്കി വിരൽചൂണ്ടി സംസാരിക്കുന്ന ആളാണ് കെ.സി. വേണുഗോപാലെന്നും കെസിയെ തെരുവില് കൈകാര്യം ചെയ്യുന്ന രീതി അനുവദിക്കാനാവില്ലെന്നും കോണ്ഗ്രസ് നേതാവ് ടി.സിദ്ദിഖ്.
മുഖ്യമന്ത്രി ചർച്ചയുടെ പേരിൽ നടക്കുന്ന പ്രശ്നങ്ങളിൽ അദ്ദേഹത്തിന്റെ ബോര്ഡുകള് തെരുവുകളില് നശിപ്പിക്കുകയും അദ്ദേഹത്തിനെതിരെ ബോര്ഡുകള് തെരുവുകളില് ഉയര്ത്തുകയും ചെയ്യുന്ന കോണ്ഗ്രസ് പ്രവര്ത്തകരുടെ രീതികളോട് പ്രതികരിക്കുകകായിരുന്നു കൽപ്പറ്റ എംഎൽഎ ടി. സിദ്ദിഖ്. മോദിയുടെ കണ്ണിലെ കരടാണ് അദ്ദേഹം. ജനാധിപത്യ ധ്വംസനത്തിനെതിരെ അതിശക്തമായി പോരാടുന്ന ആളാണ്. – ടി. സിദ്ദിഖ് പറഞ്ഞു.
മുഖ്യമന്ത്രിയെ നിശ്ചയിക്കുന്നതിൽ മാനദണ്ഡം ഫ്ലക്സുകളോ വൈകാരികതയോ അല്ല. പാർട്ടിക്ക് അതിന്റേതായ നടപടിക്രമങ്ങൾ ഉണ്ടെന്നും സിദ്ദിഖ് പറഞ്ഞു. അവരെയൊക്കെ തെരുവിലിട്ട് കൈകാര്യം ചെയ്യുന്നത് ഒരുതരത്തിലും അംഗീകരിക്കാൻ ആവില്ലെന്നും ടി. സിദ്ദിഖ് അഭിപ്രായപ്പെട്ടു.
