തിരുവനന്തപുരം:കവടിയാറില് ഒരാള് മരിക്കാനിടയായ അപകടത്തില് കാര് ഡ്രൈവറെ പൊലീസ് കസ്റ്റഡിയിലെടുത്തു.കുറവന്കോണം സ്വദേശി മോഹന് തോമസാണ് വാഹനം ഓടിച്ചത്.രക്തസമ്മര്ദ്ദം കൂടി തനിക്ക് നിയന്ത്രണം നഷ്ടമായതാണ് അപകടത്തിന് കാരണമെന്നാണ് ഇദ്ദേഹത്തിന്റെ മൊഴി.
വാഹനങ്ങള് കൂട്ടിയിടിച്ച് നവവധുവായ പാലക്കാട് സ്വദേശി നൗഷിജ (24) മരിച്ചിരുന്നു.നിരവധി പേര്ക്ക് പരിക്കേറ്റു.നാല് കാറും രണ്ട് ബൈക്കുമാണ് കൂട്ടിയിടിച്ചത്.കാറിന്റെ അമിതവേഗമാണ് അപകടുണ്ടാക്കിയതെന്ന് നാട്ടുകാര് പറഞ്ഞു.അപകടമുണ്ടാക്കിയ കാറില് ഡ്രൈവര് മാത്രമാണ് ഉണ്ടായിരുന്നത്.
നൗഷിജ, ഭര്ത്താവ് ആഷിക്, അലി അക്ബര് എന്നിവര് ഫുട്പാത്തിലൂടെ നടന്നുപോവുകയായിരുന്നു. അലി അക്ബര് ഫാഷന് ഡിസൈനിംഗ് ഹാന്ഡ് വര്ക്കര് ആണ്. അമിതവേഗത്തില് നിയന്ത്രണം തെറ്റിയെത്തിയ കാര് ആദ്യം ഫുട്പാത്തില് കയറുകയും പിന്നീട് മറ്റ് വാഹനങ്ങളില് ഇടിക്കുകയുമായിരുന്നു.
