ജ്യോത്സ്യന് രാധന് പണ്ഡിറ്റ് (ഇടത്ത്)
ചെന്നൈ: വിജയ് രാഷ്ട്രീയത്തില് ഇറങ്ങി കഴിഞ്ഞാല് വമ്പൻ മുന്നേറ്റം കാഴ്ചവയ്ക്കുമെന്ന് പ്രവചിച്ച ജ്യോത്സ്യന് രാധന് പണ്ഡിറ്റ് ഇന്ന് സൂപ്പര് സ്റ്റാര്. വിജയിന്റെ ജാതകം സുനാമി ജാതകമാണെന്നും എവിടെ ചെന്നാലും അവിടെ പെരിയ വെട്രി (വമ്പന് വിജയം) കൊയ്യുമെന്നും ജ്യോത്സ്യന് രാധന് പണ്ഡിറ്റ് പ്രവചിച്ചിരുന്നതായി പറയുന്നു.
വിജയിയുടേത് അതിശക്തമായ സുനാമി ജാതകം ആണെന്നും ടിവികെ 140 മുതല് 170 വരെ സീറ്റുകള് തേടി തമിഴ്നാട്ടില് സർക്കാർ രൂപീകരിക്കുമെന്നായിരുന്നു അദ്ദേഹത്തിന്റെ പ്രവചനം. പക്ഷെ വിജയിന് 107 സീറ്റുകളിലേ വിജയിക്കാന് സാധിച്ചുള്ളൂ. കേവല ഭൂരിപക്ഷത്തിന് 11 സീറ്റുകളുടെ കുറവ്.
എന്തായാലും ടിവി കെയും വിജയിയും തിരഞ്ഞെടുപ്പില് മിന്നുന്ന വിജയം കാഴ്ചവെക്കും എന്ന രാധന് പണ്ഡിറ്റിന്റെ പ്രവചനം സത്യമായി. തമിഴ്നാട്ടില് വിജയ് സർക്കാർ രൂപീകരിക്കുമെന്നും ജ്യോത്സ്യന് പ്രവചിച്ചിരുന്നു. അടുത്ത ദിവസങ്ങളില് ഇതിന്റെ ഭാവി അറിയാം. എന്തായാലും വിജയിച്ച വിജയിനെ കാണാന് പൂച്ചെണ്ടുകളുമായി ജ്യോത്സ്യന് വന്നിരുന്നതായി പറയുന്നു.
