കോഴിക്കോട്:സ്വകാര്യ പ്രസില് തീപ്പിടിത്തത്തില് വന് നാശനഷ്ടം.വെള്ളയില് ജോസഫ് റോഡില് സ്ഥിതി ചെയ്യുന്ന ‘റെഡ് സ്റ്റാര്’ പ്രസിനാണ് ഞായറാഴ്ച ഉച്ചയ്ക്ക് രണ്ട് മണിയോടെ തീപ്പിടിച്ചത്.
നാലുനില കെട്ടിടത്തില് താഴത്തെ നിലയുടെ പിന്നിലാണ് തീപ്പിടിത്തമുണ്ടായത്.ഇവിടെയാണ് പ്രിന്റിംഗ് മെഷീനുകള് സ്ഥാപിച്ചിരുന്നതും പേപ്പറുകള് സൂക്ഷിച്ചിരുന്നതും.
മെഷീനുകളും പ്രിന്റ് ചെയ്യാനായി എത്തിച്ച കടലാസ് റീലുകളും ബണ്ടിലുകളും കത്തിനശിച്ചു. വൈദ്യുതി ഉപകരണങ്ങള്ക്ക് പുറമേ നിരവധി ബാറ്ററികളും എട്ടോളം എസി ഔട്ട് ഡോര് യൂണിറ്റുകളും ഉരുകിപ്പോയി.ഒരു കോടിയുടെ പേപ്പര് റീലുകള് മാത്രം നശിച്ചു. തീപ്പിടിത്തത്തിന് കാരണം വ്യക്തമല്ല.
