സൗഹൃദത്തിന്റെയും സഹോദര്യത്തിന്റെയും കഥ പറഞ്ഞ് മലയാളം സിനിമ ഇന്ഡസ്ട്രിയല് ഹിറ്റായിരിക്കുകയാണ് വാഴ 2.
പുതുമുഖങ്ങളെ നായക വേഷങ്ങളിലെത്തിച്ച് വിപിന് ദാസ് എഴുതി സവിന് സാ സംവിധാനം ചെയ്ത വാഴ 2 ലെ ശ്രദ്ധേയ കഥാപാത്രം മനു പി. സദാശിവന് അഥവാ യൂത്തിന്റെ സ്വന്തം കുട്ടേട്ടനെ ഇതിനോടകം പ്രേക്ഷകര്ക്കിടയിലും ഹിറ്റായി കഴിഞ്ഞു.
സ്കൂള് കുട്ടികളുടെ സകല തല്ലുകൊള്ളിത്തരത്തിനും കൂട്ടുനില്ക്കുന്ന കുട്ടേട്ടനും സ്കൂളിലെ തലമൂത്ത പൂര്വ്വ വിദ്യാര്ത്ഥിയുമായ മനു പി സദാശിവന് എന്ന അരുണ് സോഷ്യല് മീഡിയകളിലും കേരള പോലീസിന്റെ മയക്കുമരുന്നിനെതിരെയുള്ള യോദ്ധാവിലെ ട്രോളുകളിലൂടെയും ഇടം പിടിച്ചു.
സാമൂഹ്യമാധ്യമങ്ങളിലും ഏറെ വൈറലായ കുട്ടേട്ടന് ജ്യൂസ് ബാര് നടത്തുന്ന റിയല് ലൈഫിലെ കുട്ടേട്ടന് മാരോട് ഠവേണ്ടാത്ത പണിക്കു പോയാല് നല്ല ഇടി കിട്ടും എന്നാണ്’ അരുണിന് പറയാനുള്ളത്.
സ്കേറ്റിങ് ബോര്ഡിലൂടെ മലയാള സിനിമാ ലോകത്തേക്ക് ബാലതാരമായി വന്ന് ഒളിമ്പ്യന് അന്തോണി ആദത്തിലെ ടോണി ഐസക്കായി എത്തിയ അരുണ് എ. കുമാര് ഇന്ന് വീണ്ടും തരംഗമായി ഇരിക്കുകയാണ് വാഴ 2 ലെ കുട്ടേട്ടനിലൂടെ.
കുട്ടേട്ടന് ആയി വന്ന മമ്മൂക്കയ്ക്കും കുഞ്ഞിരാമായണത്തിലെ അജു വര്ഗീസിനും മഞ്ഞുമ്മല് ബോയ്സിലെ സൗബിനും ശേഷം ‘കുട്ടേട്ടന് യൂണിവേഴ്സില്’ ഇടം നേടിയിരിക്കുകയാണ് അരുണ്.
സിനിമാ പശ്ചാത്തലം ഇല്ലാത്ത ഒരു കുടുംബത്തില് നിന്നെത്തി ഒളിമ്പ്യന് അന്തോണി ആദം എന്ന തന്റെ ആദ്യ സിനിമയിലൂടെ തന്നെ മികച്ച പ്രകടനം കാഴ്ചവച്ച അരുണ് പ്രിയം, മയിലാട്ടം, ദാദാസാഹിബ്, മീശമാധവന്, അലിഭായ്, കല്യാണരാമന്, സൈക്കിള്, സ്പീഡ് ട്രാക്ക് തുടങ്ങി ഒട്ടേറെ സിനിമകളില് ബാലതാരമായും അഡാര് ലവ്, വ്യസനസമേതം ബന്ധുമിത്രാദികള് എന്നീ സിനിമകളിലും ധമാക്ക എന്ന സിനിമയില് നായകനായും വേഷമിട്ടിട്ടുണ്ട്.
എട്ടാമത്തെ വയസ്സില് കാസര്കോട് മുതല് തിരുവനന്തപുരം വരെ സ്കേറ്റിങ് ചെയ്തെന്ന ചരിത്രവും അരുണിനുണ്ട്. തിരുവനന്തപുരം സ്വദേശികളായ അനില് (പരേതന്) സുധ ദമ്പതികളുടെ മകനായ അരുണ് വിപിന്ദാസിന്റെ ബന്ധവുമാണ്.
ജന്മഭൂമി ഓണ്ലൈന്