ഗുവാഹത്തി: അസമില് നിയമസഭാ തെരഞ്ഞെടുപ്പില് ബിജെപി തൂത്തുവാരുമെന്ന് ഏതാണ്ടെല്ലാ സര്വ്വേ ഫലങ്ങളും പ്രവചിക്കുന്നു. ആകെയുള്ള 126 സീറ്റുകളില് 100 സീറ്റുകള് വരെ പിടിച്ച് ഹിമന്തബിശ്വ ശര്മ്മയുടെ നേതൃത്വത്തില് ബിജെപി തുടര്ഭരണം നേടുമന്നാണ് സര്വ്വേ ഫലങ്ങള്.
ആക്സിസ് മൈ ഇന്ത്യാ സര്വ്വേ 88 മുതല് 100 സീറ്റുകള് വരെ ബിജെപി നേടുമെന്ന് പ്രവചിക്കുന്നു. ഏറ്റവുമധികം വിശ്വാസ്യതയുള്ള തെരഞ്ഞെടുപ്പ് പ്രവചനങ്ങളില് ഒന്നാണ് ആക്സിസ് മൈ ഇന്ത്യാ എക്സിറ്റ് പോള്. കോണ്ഗ്രസിന് 24 മുതല് 36 സീറ്റുകളേ ലഭിക്കൂ.
മറ്റൊരു സര്വ്വേയായ ജെവിസി സര്വ്വേഫലത്തില് ബിജെപിയ്ക്ക് 88 മുതല് 101 സീറ്റുകള് വരെ ലഭിയ്ക്കുമെന്ന് പ്രവചിക്കുന്നു. അതേ സമയം കോണ്ഗ്രസിന് 23 മുതല് 33 സീറ്റുകള് വരെ മാത്രം ലഭിയ്ക്കൂ. ഇതോടെ അനധികൃത കുടിയേറ്റക്കാരെ നാടുകടത്തിയതുള്പ്പെടെ അസമില് മുഖ്യമന്ത്രി ഹിമന്ത ബിശ്വ ശര്മ്മ നടപ്പാക്കിയ നടപടികള്ക്ക് സ്വീകാര്യതയുണ്ടെന്നാണ് കണക്കാക്കുന്നത്.
