കണ്ണൂര് : അഞ്ചരക്കണ്ടി ദന്തല് കോളേജ് ഒന്നാം വര്ഷ വിദ്യാര്ത്ഥി ആര് എല് നിതിന് രാജിന്റെ ആത്മഹത്യ പ്രേരണാ കേസില് അറസ്റ്റ് ചെയ്ത ശേഷം കോടതി വിട്ടയച്ച ഡോ റാമിനെ വീണ്ടും കസ്റ്റഡിയിലെടുത്തെങ്കിലും പൊലീസ് വിട്ടയച്ചു.രണ്ട് ദിവസത്തിനകം വീണ്ടും ഹാജരാകണമെന്ന് കാട്ടി നോട്ടീസ് നല്കിയാണ് വിട്ടയച്ചത്.
ഒന്നാം പ്രതിയായ ഡോ റാമിന്റെ അറസ്റ്റ് സുപ്രീം കോടതി മാനദണ്ഡങ്ങള് പാലിക്കാതെയാണെന്ന പ്രതിഭാഗം വാദം പരിഗണിച്ചാണ് തലശേരി കോടതി വിട്ടയച്ചത്. കോടതി ജാമ്യത്തില്വിട്ടയച്ചതിന് പിന്നാലെ കോടതി വളപ്പിന് പുറത്ത് നിന്നും പൊലിസ് വീണ്ടും കസ്റ്റഡിയിലെടുത്തു.തന്റെ കൈ തട്ടിമാറ്റിയാണ് ഡോ റാമിനെ ഡിവൈഎസ്പി ബലപ്രയോഗത്തിലുടെ കൊണ്ടുപോയതെന്ന് കൂടെയുണ്ടായിരുന്ന ഭാര്യ ദില്ന ആരോപിച്ചു .
ഞായറാഴ്ച കര്ണാടകയിലെ കുടകില് നിന്നായിരുന്നു മുഖ്യപ്രതി റാമിനെ പൊലീസ് പിടികൂടിയത്. ഒളിവില് കഴിഞ്ഞിരുന്ന സ്ഥലത്തുനിന്നാണ് പ്രതിയെ കസ്റ്റഡിയില് എടുത്തത്.
