ന്യൂദല്ഹി: പാചകവാതകമായ എല് പിജിക്ക് പകരം എഥനോളിനെ പ്രധാന പാചകവാതകമാക്കാനുള്ള നീക്കവുമായി കേന്ദ്രസര്ക്കാര്. എഥനോളിനെ അടുക്കളകളിലേക്ക് കൊണ്ടുവരുന്നതോടെ ഇന്ത്യയുടെ എല് പിജി ആശ്രിതത്വം കുറയ്ക്കാനാകും എന്നാണ് കേന്ദ്രസര്ക്കാര് കരുതുന്നത്.
പാചകം എല്പിജിയ്ക്ക് പകരം ബയോഗ്യാസിലേക്കും എഥനോളിലേക്കും മാറുന്നതിലൂടെ 2050ഓടെ ഇന്ത്യയ്ക്ക് രണ്ടു ലക്ഷം കോടി രൂപയിലധികം ലാഭിക്കാനാകും.
2026 സെപ്റ്റംബറോടെ രൂപരേഖ തയ്യാറാകുമെന്നാണ് റിപ്പോര്ട്ടുകള്. പെട്രോളിയം, പ്രകൃതി വാതക മന്ത്രാലയമാണ് പദ്ധതിക്കുള്ള രൂപരേഖ തയ്യാറാക്കുന്നത്. രൂപരേഖ അനുസരിച്ച് സബ്സിഡി രീതികളും എങ്ങനെ എഥനോള് വിതരണം ചെയ്യും എന്നതടക്കമുള്ള കാര്യങ്ങളാണ് കേന്ദ്രസര്ക്കാര് ആദ്യം പരിശോധിക്കുക.
എല്പിജിക്ക് പകരം എഥനോള് ഉപയോഗം വ്യാപകമാകുന്നതിലൂടെ ഇറക്കുമതി ചെലവും സബ്സിഡി ബാധ്യതയും കുറയ്ക്കാനാകുമെന്നാണ് വിലയിരുത്തല്.. കരിമ്പ് ,ചോളം,അരി,ധാന്യങ്ങള് (ഗോതമ്പ്, ബാര്ലി, മറ്റ് ധാന്യങ്ങള് എന്നിവയില് നിന്നാണ് എഥനോള് നിര്മിക്കുന്നത്. കര്ഷകരോടുള്ള കേന്ദ്രത്തിന്റെ ഉത്തരവാദിത്തമാണ് എഥനോള് നയം.
ഇന്റര്നാഷണല് ഇന്സ്റ്റിറ്റ്യൂട്ട് ഫോര് സസ്റ്റൈനബിള് ഡെവലപ്മെന്റിന്റെ (ഐഐഎസ്ഡി) റിപോര്ട്ട് പ്രകാരം, ബയോഗ്യാസിലേക്കും എഥനോളിലേക്കും മാറുന്നതിലൂടെ 2050ഓടെ ഇന്ത്യയ്ക്ക് എല്പിജി സബ്സിഡി ഇനത്തില് രണ്ടു ലക്ഷം കോടി രൂപയിലധികം ലാഭിക്കാനാകും.
