ചെന്നൈ: തമിഴ്നാട്ടില്‍ എഐഎഡിഎംകെ-ബിജെപി സഖ്യം അധികാരത്തില്‍ വരുമെന്ന് ടൈംസ് നൗ സര്‍വ്വേ. ഏകദേശം 128 മുതല്‍ 147 വരെ സീറ്റുകള്‍ എഐഎഡിഎംകെ-ബിജെപി സഖ്യം നേടുമെന്നും സര്‍വ്വേ ഫലം പ്രവചിക്കുന്നു.
തമിഴ്നാട്ടിലെ വടക്കന്‍, പടിഞ്ഞാറന്‍ മേഖലകളില്‍ എഐഎഡിഎംകെ-ബിജെപി സഖ്യം വന്‍തോതില്‍ ആധിപത്യം ഉറപ്പിക്കുമെന്ന് ഈ സര്‍വ്വേ പറയുന്നു. 43 സീറ്റുകള്‍ വരെ വടക്കന്‍ മേഖലകളില്‍ എഐഎഡിഎംകെ-ബിജെപി നേടുമെന്നും സര്‍വ്വേ പ്രവചിക്കുന്നു. തെക്കന്‍ തമിഴ്നാടിലും മോശമല്ലാത്ത പ്രകടനം എഐഎഡിഎംകെ-ബിജെപി സഖ്യം നടത്തുമെന്ന് പറയുന്നു.
സ്റ്റാലിന്റെ നേതൃത്വത്തിലുള്ള ഡിഎംകെ സഖ്യത്തിന് 75 മുതല്‍ 95 സീറ്റുകളേ ലഭിക്കൂ. നടന്‍ വിജയ് നേതൃത്വം നല്‍കുന്ന ടിവികെ എട്ട് മുതല്‍ 15 സീറ്റുകള്‍ വരെ നേടും. വിജയിന്റെ റാലികളില്‍ ജനക്കൂട്ടം ഉണ്ടാകുമെങ്കിലും അതൊന്നും വോട്ടായി മാറില്ലെന്ന പ്രവചനം ശരിവെയ്‌ക്കുന്നതാണ് ഈ സര്‍വ്വേ ഫലം.
