ലണ്ടന്‍: അര്‍ജന്റൈന്‍ മുന്‍നിര താരം എന്‍സോ ഫെര്‍ണാണ്ടസ് നേടിയ ഏകപക്ഷീയമായ ഒരു ഗോളിന് ലീഡ്‌സ് യുണൈറ്റഡിനെ തോല്‍പ്പിച്ച് ചെല്‍സി എഫ് എ കപ്പ് ഫൈനലില്‍ കടന്നു. ലീഡ്‌സിനെതിരെ വെംബ്ലി സ്റ്റേഡിയത്തില്‍ നടന്ന സെമി പോരാട്ടത്തില്‍ 23-ാം മിനിറ്റിലാണ് എന്‍സോ വിജയഗോള്‍ നേടിയത്.
കഴിഞ്ഞ ദിവസം നടന്ന ആദ്യ സെമിയില്‍ സൗതാംപ്ടണിനെ 2-1ന് തോല്‍പിച്ച മാഞ്ചസ്റ്റര്‍ സിറ്റി ആണ് ചെല്‍സിയുടെ ഫൈനലിലെ എതിരാളികള്‍.
ഏറ്റവും ഒടുവിലായി ലയാം റോസെനിയോര്‍ കൂടി പരിശീലക സ്ഥാനത്ത് നിന്ന് പിന്‍മാറിയ സാഹചര്യത്തില്‍ ഇടക്കാല കോച്ച് കലം മക്ഫാര്‍ലെയ്‌ന് കീഴിലാണ് ചെല്‍സി എഫ് എ കപ്പ് സെമി പോരാട്ടത്തിനിറങ്ങിയത്. സീസണ്‍ അവസാനിക്കുന്നത് വരെയാണ് മക്ഫാര്‍ലെയ്‌ന് ചുമതല.
