കൊച്ചി:ഇതരസംസ്ഥാന തൊഴിലാളിയെ ആക്രമിച്ച് മൊബൈല് ഫോണും പണവും കവര്ന്ന കേസിലെ പ്രതിയായ ഇതര സംസ്ഥാനക്കാരനായ യുവാവ് പിടിയില്.പശ്ചിമബംഗാള് മൂര്ഷിദാബാദ് സ്വദേശി മനിറുല് (25) ആണ് പൊലീസിന്റെ പിടിയിലായത്. ആലുവ പൊലീസാണ് ഇയാളെ പിടികൂടിയത്.
ചാലയ്ക്കല് താമസിക്കുന്ന ഇതരസംസ്ഥാന തൊഴിലാളിയായ ജിയാറുള്ളിനെയാണ് മനിറുല് ആക്രമിച്ചത്.സംഭവ ശേഷം പശ്ചിമബംഗാളിലേക്ക് കടന്നുകളഞ്ഞിരുന്നു പ്രതി. തുടര്ന്ന് അവിടെ എത്തിയാണ് പൊലീസ് കസ്റ്റഡിയില് എടുത്തത്.
