തൃശൂര് കോടാലിയില് സഹോദരങ്ങള്ക്ക് പാമ്പുകടിയേറ്റ വീട്ടില് നിന്ന് അഞ്ചാമത്തെ പാമ്പിനെ കണ്ടെത്തി. ശുചിമുറിയിലാണ് പാമ്പിനെ കണ്ടത്. ശംഖുവരയന് ഇനത്തില്പ്പെട്ട പാമ്പിനെ തന്നെയാണ് കണ്ടെത്തിയത്. മിനിഞ്ഞാന്ന് വരെ ഈ വീട്ടില് ആളുകള് താമസിച്ചിട്ടുണ്ടായിരുന്നു എന്നതാണ് ആശങ്കപ്പെടുത്തുന്ന കാര്യം. ഇന്നലെ വൈകുന്നേരമാണ് കുട്ടികള് കിടന്നിരുന്ന കിടപ്പ് മുറിയില് നിന്ന് നാലാമത്തെ പാമ്പിനെ കണ്ടെത്തിയത്.
അതിനു ശേഷം സര്പ്പ ടീമംഗങ്ങള് പരിശോധന നടത്തിയെങ്കിലും ഒന്നും കണ്ടെത്താന് കഴിഞ്ഞില്ല. എന്നാല് പിന്നീട് വീട്ടുകാരടക്കം ചേര്ന്ന് നടത്തിയ പരിശോധനയിലാണ് വീട്ടിലെ ശുചിമുറിയില് നിന്ന് പാമ്പിനെ കണ്ടെത്തിയത്. രണ്ട് മാസത്തോളം പ്രായമുള്ള ശംഖ്വരയന് ഇനത്തില് പെട്ട പാമ്പുകളാണ് എന്നാണ് വിദഗ്ദര് പറയുന്നത്.
