തൃശൂര്: കഴിഞ്ഞ ജനുവരി നാലിന് തൃശൂര് റെയില്വേ സ്റ്റേഷനിലെ തീപിടിത്തത്തില് 323 ഇരുചക്ര വാഹനങ്ങളാണ് കത്തിനശിച്ചത്. അമ്പതോളം ഇരുചക്ര വാഹനങ്ങള്ക്ക് മാത്രമേ ഫുള്കവറേജ് ഇന്ഷുറന്സ് ഉണ്ടായിരുന്നുള്ളു. ബാക്കി ഇരുചക്ര വാഹനങ്ങള്ക്ക് തേര്ഡ് പാര്ട്ടി ഇന്ഷുറന്സ് മാത്രമേ ഉണ്ടായിരുന്നത്. സാധാരണ നിലയില് ആ വാഹനങ്ങളുടെ ഉടമകള്ക്ക് ഇന്ഷുറന്സ് കമ്പനികളില് നിന്നും നഷ്ടപരിഹാരം ഒന്നുംതന്നെ ലഭിക്കില്ല.
സുരക്ഷ വീഴ്ചകള്ക്ക് റെയില്വേയും കരാറുകാരനും പരസ്പരം പഴിപറഞ്ഞു ഒഴിയുകയും ചെയ്തിരുന്നു. പിന്നീട് തേര്ഡ് പാര്ട്ടി ഇന്ഷുറന്സ് മാത്രമുള്ള വാഹനങ്ങള്ക്കും നഷ്ടപരിഹാരം നല്കാന് തീരുമാനം ഉണ്ടായി. അമ്പത്തോളം വാഹനങ്ങള്ക്ക് ഫുള് കവറേജ്ജ് ഇന്ഷുറന്സ് ഉണ്ട്. അവര്ക്ക് ഇന്ഷുറന്സ് കമ്പനികള് നഷ്ടപരിഹാരം നല്കും. ബാക്കി വണ്ടികള്ക്കാണ് കരാറുകാരന് വഴി നഷ്ടപരിഹാരം നല്കുന്നത്.
150 പേര് ഇതിനകം നഷ്ടപരിഹാരം വാങ്ങി. ആര്.സി ബുക്ക് നോക്കി വണ്ടിയുടെ പഴക്കം നോക്കിയാണ് നഷ്ടപരിഹാരം നിശ്ചയിക്കുന്നത്. വണ്ടിയുടെ പഴക്കം അനുസരിച്ചു പതിനായിരം രൂപ മുതല്, ഒന്നര ലക്ഷം രൂപ വരെ നഷ്ടപരിഹാരം ലഭിച്ചവര് ഉണ്ട്. ഇനിയും കത്തിനശിച്ച് 173 ബൈക്കുകള് എടുത്തുമാറ്റാന് ഉടമകള് എത്തിയിട്ടില്ല. പൂര്ണ്ണമായും കത്തിനശിച്ച് ബൈക്കുകളാണിവ.
കത്തിനശിച്ച വാഹനങ്ങളില് ഇനിയും എടുത്തു കൊണ്ടു പോകാത്ത ഇരുചക്രവാഹനങ്ങള്.
