തിരുവനന്തപുരം: ലോക്സഭയില് നാരിശക്തിവന്ദന അധിനിയത്തിനെതിരെ വോട്ട് ചെയ്ത കോണ്ഗ്രസും സിപിഎമ്മും അടങ്ങുന്ന ഇണ്ടി സഖ്യം രാജ്യത്തെ സ്ത്രീകളോട് കാട്ടിയത് മാപ്പ് അര്ഹിക്കാത്ത നീതികേടാണെന്ന് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര്. ഇണ്ടി സഖ്യം സ്ത്രീകള്ക്ക് എതിരാണെന്ന് ബിജെപി തുടക്കം മുതല് പറഞ്ഞിരുന്നതാണ്. പ്രവര്ത്തിയിലൂടെ ഇണ്ടി സഖ്യം അത് ശരിവച്ചെന്ന് രാജീവ് ചന്ദ്രശേഖര് പറഞ്ഞു.
ബില്ലിനെ എതിര്ത്തുകൊണ്ട് ഇണ്ടി സഖ്യത്തിന്റെ നേതാക്കന്മാര് നടത്തിയ പ്രസംഗങ്ങളും പ്രസ്താവനകളും വനിതാ സംവരണത്തോടും സ്ത്രീകളോടുമുള്ള അവരുടെ വിഷലിപ്തമായ നിലപാട് വ്യക്തമാക്കുന്നതായിരുന്നു. രാജ്യത്തെ മുഴുവന് സ്ത്രീകളും ഇണ്ടി സഖ്യത്തിന് മാപ്പ് നല്കില്ലെന്നും ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര് പറഞ്ഞു.
