ന്യൂദൽഹി: സ്ത്രീ ശാക്തീകരണത്തിലേക്കുള്ള ചരിത്രപരമായ ചുവടുവയ്പ്പ് എന്നാണ് പ്രധാനമന്ത്രി നരേന്ദ്ര മോദി ബുധനാഴ്ച പാർലമെന്റിന്റെ പ്രത്യേക സമ്മേളനത്തെ വിശേഷിപ്പിച്ചത്. സ്ത്രീകളുടെ അന്തസ്സ് രാജ്യത്തിന്റെ അന്തസ്സിനെ പ്രതിഫലിപ്പിക്കുന്നുവെന്ന് അദ്ദേഹം ഊന്നിപ്പറഞ്ഞു.
തന്റെ ഔദ്യോഗിക എക്സിലെ ഒരു പോസ്റ്റിൽ ഈ പാതയിൽ സർക്കാർ ദൃഢനിശ്ചയത്തോടെ മുന്നോട്ട് പോകുകയാണെന്ന് പ്രധാനമന്ത്രി പറഞ്ഞു. ഒരു സംസ്കൃത വാക്യം ഉപയോഗിച്ച് ഈ സംരംഭത്തിന്റെ പ്രാധാന്യം എടുത്തുകാണിച്ചു. “ഇന്ന് മുതൽ, പാർലമെന്റിന്റെ പ്രത്യേക സമ്മേളനത്തിൽ, നമ്മുടെ രാജ്യം സ്ത്രീ ശാക്തീകരണത്തിലേക്കുള്ള ചരിത്രപരമായ ഒരു ചുവടുവെപ്പ് നടത്താൻ ഒരുങ്ങുകയാണ്,”- അദ്ദേഹം എഴുതി.
കൂടാതെ
“നമ്മുടെ അമ്മമാരോടും സഹോദരിമാരോടും ഉള്ള ബഹുമാനം രാഷ്ട്രത്തോടുള്ള ബഹുമാനമാണ്, ഈ ആവേശത്തോടെയാണ് നമ്മൾ ഈ ദിശയിൽ ദൃഢനിശ്ചയത്തോടെ മുന്നോട്ട് പോകുന്നത്,”- പ്രധാനമന്ത്രി കൂട്ടിച്ചേർത്തു.
വനിതാ സംവരണ ഭരണഘടനാ ഭേദഗതി ബില്ലിനെക്കുറിച്ച് ഏപ്രിൽ 16 ന് ലോക്സഭയിൽ പ്രധാനമന്ത്രി മോദി സംസാരിക്കുമെന്നും നിയമനിർമ്മാണത്തിനായുള്ള വിശദമായ രൂപരേഖ അദ്ദേഹം വ്യക്തമാക്കുകയും ചെയ്യും.
