മലയാളികളുടെ സ്വകാര്യ അഹങ്കാരമാണ് മമ്മൂട്ടി. പ്രായം എത്രയൊക്കെ ആയാലും ചെറുപ്പം നിലനിർത്താൻ മമ്മൂട്ടിയ്‌ക്ക് കഴിയുന്നുണ്ട്.പ്രായത്തെ വെല്ലുന്ന ആരോഗ്യവും സൗന്ദര്യവും കാത്തുസൂക്ഷിക്കുന്ന താരം ഭക്ഷണത്തിൽ പുലർത്തുന്ന നല്ല ശീലങ്ങൾ അദ്ദേഹത്തിന്റെ ഡയറ്റീഷ്യൻ നതാഷ മോഹൻ പങ്ക് വച്ചിരുന്നു. ഒരിടവേളയ്‌ക്ക് ശേഷം വീണ്ടും അദ്ദേഹം സിനിമയിൽ സജീവമാകുമ്പോൾ ഈ ഡയറ്റ് പ്ലാനാണ് വീണ്ടും ഹിറ്റാകുന്നത്.
രുചിയിൽ വിട്ടുവീഴ്ചയില്ലാതെ മിതമായി എല്ലാം കഴിക്കുന്ന രീതിയാണ് മമ്മൂട്ടി പിന്തുടരുന്നതെന്ന് നതാഷ പറയുന്നു. സമീകൃതഭക്ഷണം ആസ്വദിച്ചു കഴിക്കുകയും പഞ്ചസാരയും ജങ്ക് ഫുഡും ഒഴിവാക്കി സജീവമായ ജീവിതശൈലി പിന്തുടരുന്നതുമാണ് മമ്മൂട്ടിയുടെ ‘ചെറുപ്പ’ത്തിന്റെ രഹസ്യമെന്നും വെളിപ്പെടുത്തുകയാണ് നതാഷ.
കൃത്യമായ വ്യായാമം പിന്തുടരുന്ന വ്യക്തിയാണ് മമ്മൂട്ടി . അദ്ദേഹം കഴിക്കുന്ന ഓരോ പ്ലേറ്റ് ഭക്ഷണത്തിലും പ്രോട്ടീനുകൾ, ആരോഗ്യകരമായ കൊഴുപ്പുകൾ, കോപ്ലെക്സ് കാർബോഹൈഡേറ്റ്സ് എന്നിവ ഉൾപ്പെടുന്നു . ജലാംശം നിലനിർത്തുന്നതിൽ മമ്മൂട്ടി എപ്പോഴും ശ്രദ്ധിക്കുന്നു. ദിവസം മുഴുവൻ ധാരാളം വെള്ളം കുടിക്കുകയും പഴങ്ങളും പച്ചക്കറികളും പോലുള്ള ജലാംശം നൽകുന്ന ഭക്ഷണങ്ങൾ ഉൾപ്പെടുത്തുകയും ചെയ്യുന്നു.ഭക്ഷണത്തോടുള്ള അമിത ആസക്തി ഒഴിവാക്കാനും കൃത്യമായ നേരങ്ങളിൽ ഭക്ഷണം കഴിക്കുക. ഇടനേരത്ത് വിശക്കുന്നുവെങ്കിൽ ചെറിയ ലഘുഭക്ഷണങ്ങൾ ഉൾപ്പെടുത്താം.
പോഷകങ്ങൾക്കും ആന്റിഓക്‌സിഡന്റുകൾക്കുമായി വർണ്ണാഭമായ പഴങ്ങളും പച്ചക്കറികളും ഭക്ഷണത്തിൽ ഉൾപ്പെടുത്തുന്നു.മിതത്വം പ്രധാനമാണ്, ഇത് രുചികരമായ ഭക്ഷണം കഴിച്ചുകൊണ്ടു തന്നെ ആരോഗ്യകരമായ ഭാരം നിലനിർത്താൻ സഹായിക്കുന്നു.മികച്ച ഊർജ്ജം ലഭിക്കാനും നിലനിറുത്താനും മുഴുവനായും സംസ്‌കരിക്കാത്ത ഭക്ഷണങ്ങളിൽ ശ്രദ്ധ കേന്ദ്രീകരിക്കുക. പഞ്ചസാരയുടെയും ജങ്ക് ഫുഡിന്റെയും ഉപയോഗം കുറയ്‌ക്കുക.
